wd wp Пошук: ⬜

Грэм Дот

Грэм Дот (англ.: Graeme Dott; нар. 12 мая 1977, Ларкхал, Шатландыя) — шатландскі прафесійны гулец у снукер. Чэмпіён свету 2006 года і пераможца адкрытага чэмпіянату Кітая 2007 года. Былы другі нумар сусветнага рэйтынгу (2007–2008), з сезона 2001/2002 да сезона 2008/2009 і з пачатку сезона 2010/2011 да жніўня 2013 года нязменна ўваходзіў у топ-16.

Стаў прафесіяналам у 1994 годзе ва ўзросце 17 гадоў, перамогшы на юніёрскім чэмпіянаце Вялікабрытаніі ў 1992 годзе і на аматарскім чэмпіянаце Шатландыі ў 1993 годзе. У 1996 годзе ўпершыню дайшоў да чвэрцьфіналу рэйтынгавага турніру на адкрытым чэмпіянаце Уэльса, а ў 1997 — дэбютаваў у асноўнай стадыі чэмпіянату свету. У сезоне 1998/1999 увайшоў у топ-32 сусветнага рэйтынгу, дзе нязменна знаходзіцца па сённяшні дзень, а таксама ўпешыню выйшаў у фінал рэйтынгавага турніру на адкрытым чэмпіянаце Шатландыі, дзе саступіў Стывену Хендры (1:9). У сезоне 2001/2002 упершыню ўвайшоў у топ-16 і дэбютаваў на турніры Мастэрс, а ў 2004 годзе выйшаў у фінал чэмпіянату свету, дзе саступіў Роні О’Салівану (8:18). Праз два гады зноў дайшоў да фіналу найбуйнейшага спаборніцтва і стаў чэмпіёнам свету, перамогшы Пітэра Эбдана (18:14) і здабыўшы першы рэйтынгавы тытул. У сезоне 2006/2007 дайшоў да паўфіналу чэмпіянату Вялікабрытаніі, што стала яго найлепшым вынікам на гэтым турніры, а таксама здабыў другую рэйтынгавую перамогу, выйграўшы адкрыты чэмпіянат Кітая, і падняўся на найвышэйшае для сябе другое месца ў рэйтынгу ў наступным сезоне, пасля чаго клінічная дэпрэсія сур’ёзна паўплывала на яго форму. У сезоне 2009/2010 займаў ужо 28-е месца ў сусветным рэйтынгу, аднак у трэці раз у кар’еры дайшоў да фіналу чэмпіянату свету, дзе саступіў Нілу Робертсану (13:18), і вярнуўся ў элітную групу 16-ці лепшых снукерыстаў. У 2013 годзе ўпершыню дайшоў да паўфіналу турніру Мастэрс, што стала яго найлепшым вынікам на найбуйнейшым запрашальным турніры па снукеры. З 2010 года не даходзіў да рэйтыгавых фіналаў да пачатку 2018 года, калі згуляў у вырашальных матчах двух рэйтынгавых турніраў запар, але саступіў Марку Уільямсу ў фінале German Masters (1:9) і Майклу Джорджыу ў фінале Shoot-Out (56:67).

У агульнай колькасці займаў другі радок у сусветным рэйтынгу адзін сезон. За сваю прафесійную кар’еру зрабіў больш за 190 соценных брэйкаў і ўваходзіць у топ-35 гульцоў з найбольшай колькасцю соценных серый у гісторыі снукера, а таксама зарабіў больш за два мільёны фунтаў стэрлінгаў прызавых грошай, уваходзячы у топ-20 снукерыстаў у гісторыі па іх колькасці. У 1999 годзе выканаў сваю адзіную максімальную серыю. У 2011 годзе выпусціў аўтабіяграфію “Frame of Mind: The Autobiography of the World Snooker Champion”.

Фіналы турніраў

Рэйтынгавыя турніры: 9 (2 перамогі, 7 паразаў)

Легенда

Чэмпіянат свету (1:2)

Чэмпіянат Вялікабрытаніі (0:0)

Іншыя (1:5)

№	Вынік	Год	Турнір	Апанент у фінале	Лік
1	Параза	1999	Адкрыты чэмпіянат Шатландыі	Хендры Стывен Стывен Хендры	1:9
2	Параза	2001	Адкрыты чэмпіянат Брытаніі	Хйгйнс Джон Джон Хігінс	6:9
3	Параза	2004	Чэмпіянат свету	ОСалйван Ронй Роні О'Саліван	8:18
4	Параза	2005	Кубак Мальты	Хендры Стывен Стывен Хендры	7:9
5	Перамога	2006	Чэмпіянат свету	Эбдан Пйтэр Пітэр Эбдан	18:14
6	Перамога	2007	Адкрыты чэмпіянат Кітая	Коуп Джэймй Джэймі Коўп	9:5
7	Параза	2010	Чэмпіянат свету	Робертсан Нйл Ніл Робертсан	13:18
8	Параза	2018	German Masters	Уйльямс Марк Марк Уільямс	1:9
9	Параза	2018	Shoot-Out	Джорджыу Майкл Майкл Джорджыу	56:67^{[фт 1]}

Нізкарэйтынгавыя турніры: 2 (2 паразы)

№	Вынік	Год	Турнір	Апанент у фінале	Лік
1	Параза	2011	Players Tour Championship 2011/2012 – Этап 3	Вуластан Бэн Бэн Вуластан	2:4
2	Параза	2013	Адкрыты чэмпіянат Фюрстэнфельдбрука	Сэлбй Марк Марк Сэлбі	3:4

Прафесійныя снукерныя турніры: 13 (2 перамогі, 11 паразаў)

Легенда

Рэйтынгавыя турніры (2:7)

Нізкарэйтынгавыя турніры (0:2)

Нярэйтынгавыя турніры (0:1)

Турніры з альтэрнатыўным фарматам (0:1)

Вынік	ПДВ	Дата	Турнір	Апанент у фінале	Лік
Параза	1	21 лютага 1999	Адкрыты чэмпіянат Шатландыі, Абердын, Шатландыя	Хендры Стывен Стывен Хендры	1:9
Параза	2	7 кастрычніка 2001	Адкрыты чэмпіянат Брытаніі, Ньюкасл-эпон-Тайн, Англія	Хйгйнс Джон Джон Хігінс	6:9
Параза	3	3 мая 2004	Чэмпіянат свету, Шэфілд, Англія	ОСалйван Ронй Роні О'Саліван	8:18
Параза	4	6 лютага 2005	Кубак Мальты, Партамаза, Мальта	Хендры Стывен Стывен Хендры	7:9
Перамога	1	1 мая 2006	Чэмпіянат свету, Шэфілд, Англія	Эбдан Пйтэр Пітэр Эбдан	18:14
Перамога	2	1 красавіка 2007	Адкрыты чэмпіянат Кітая, Пекін, Кітай	Коуп Джэймй Джэймі Коўп	9:5
Параза	5	3 мая 2010	Чэмпіянат свету, Шэфілд, Англія	Робертсан Нйл Ніл Робертсан	13:18
Параза	6	21 жніўня 2011	Players Tour Championship 2011/2012 – Этап 3, Шэфілд, Англія	Вуластан Бэн Бэн Вуластан	2:4
Параза	7	18 верасня 2011	Мастэрс Бразіліі, Фларыянопаліс, Бразілія	Меярфй Шон Шон Мёрфі	0:5
Параза	8	29 студзеня 2012	Shoot-Out, Блэкпул, Англія	Хокйнс Бары Бары Хокінс	23:61^{[фт 1]}
Параза	9	6 студзеня 2013	Адкрыты чэмпіянат Фюрстэнфельдбрука, Фюрстэнфельдбрук, Германія	Сэлбй Марк Марк Сэлбі	3:4
Параза	10	4 лютага 2018	German Masters, Берлін, Германія	Уйльямс Марк Марк Уільямс	1:9
Параза	11	11 лютага 2018	Shoot-Out, Уотфард, Англія	Джорджыу Майкл Майкл Джорджыу	56:67^{[фт 1]}

Прафесійна-аматарскія і запрашальныя снукерныя турніры: 6 (3 перамогі, 3 паразы)

Вынік	ПДВ	Дата	Турнір	Апанент у фінале	Лік
Параза	1	1994	Pontin's Spring Open, Прэстацін, Уэльс	Браун Уэйн Уэйн Браўн	3:7
Перамога	1	1995	Pontin's Autumn Open, Прэстацін, Уэльс	Лй Стывен Стывен Лі	5:1
Перамога	2	1997	Адкрыты чэмпіянат Аўстрыі, Вельс, Аўстрыя	Коуч Мэцью Мэцью Коўч	7:6
Перамога	3	13 ліпеня 2008	Сусветная серыя – Берлін, Берлін, Германія	Меярфй Шон Шон Мёрфі	6:1
Параза	2	21 верасня 2008	Адкрыты чэмпіянат Бельгіі, Дзюфель, Бельгія	Уолдэн Рыкй Рыкі Уолдэн	0:4
Параза	3	18 кастрычніка 2009	Сусветная серыя – Прага, Прага, Чэхія	Уайт Джымй Джымі Уайт	3:5

1 2 3 Усе матчы на Shoot-Out складаліся з аднаго фрэйма. У графе пазначаны лік у фрэйме.

Крыніцы

↑ http://au.eurosport.com/snooker/graeme-dott_prs28979/person.shtml

Спасылкі

Профiль на World Snooker (англ.)
Статыстыка Грэма Дота на CueTracker.net (англ.)