wd wp Пошук:
    ⬜

    Бэн Вуластан

    Бэн Вуластан (англ.: Ben Woollaston; нар. 14 мая 1987, Лестэр, Англія) — англійскі прафесійны гулец у снукер. Пераможца аднаго з этапаў серыі PTC і фіналіст адкрытага чэмпіянату Уэльса 2015 года. У 2014 годзе выканаў сваю адзіную максімальную серыю.

    Пачаў сваю кар’еру ў чэлендж-туры ў 2003 годзе і ўпершыню патрапіў у мэйн-тур у сезоне 2004/2005 ва ўзросце 17 гадоў, пасля чаго два разы пакідаў яго, канчаткова зацвердзіўшы свой прафесійны статус толькі ў сезоне 2009/2010. У 2006 годзе атрымаў перамогу на чэмпіянаце Еўропы па снукеры сярод гульцоў ва ўзросце да 19 гадоў і патрапіў у асноўную стадыю Гран-пры, здзейсніўшы дэбют на рэйтынгавым турніры. У сезоне 2011/2012 атрымаў свой ​​першы прафесійны тытул, выйграўшы трэці этап нізкарэйтынгавай серыі PTC у Шэфілдзе. У 2013 годзе ўпершыню дайшоў да рэйтынгавага чвэрцьфіналу на фінальным турніры PTC, а таксама дэбютаваў на чэмпіянаце свету, аднак саступіў у першым матчы Алістэру Картэру. У сезоне 2013/2014 упершыню ўвайшоў у топ-32 сусветнага рэйтынгу, а ў першай палове 2015 года выйшаў у свой першы рэйтынгавы фінал на адкрытым чэмпіянаце Уэльса. У сезоне 2015/2016 два разы даходзіў да чвэрцьфінальнай стадыі рэйтынгавых турніраў і падняўся на 25-ю пазіцыю ў рэйтынгу, якая з’яўляецца найвышэйшай для яго.

    У агульнай колькасці займаў 25-ы радок у сусветным рэйтынгу каля аднаго месяца. За сваю прафесійную кар’еру зрабіў больш за 80 соценных брэйкаў і ўваходзіць у топ-70 снукерыстаў з найбольшай колькасцю соценных серый у гісторыі снукера, а таксама зарабіў больш за 300 тысяч фунтаў стэрлінгаў прызавых грошай, уваходзячы ў топ-100 снукерыстаў у гісторыі па іх колькасці.

    Асабістае жыццё

    Жанаты з беларускай снукернай рэферы Таццянай Вуластан.

    Фіналы турніраў

    Рэйтынгавыя турніры: 1 (1 параза)

    Легенда
    Чэмпіянат свету (0:0)
    Чэмпіянат Вялікабрытаніі (0:0)
    Іншыя (0:1)
    № Вынік Год Турнір Апанент у фінале Лік
    1 Параза 2015 Адкрыты чэмпіянат Уэльса Джон Хігінс 3:9

    Нізкарэйтынгавыя турніры: 1 (1 перамога)

    № Вынік Год Турнір Апанент у фінале Лік
    1 Перамога 2011 Players Tour Championship 2011/2012 — Этап 3 Грэм Дот 4:2

    Прафесійныя снукерныя турніры: 2 (1 перамога, 1 параза)

    Легенда
    Рэйтынгавыя турніры (0:1)
    Нізкарэйтынгавыя турніры (1:0)
    Нярэйтынгавыя турніры (0:0)
    Турніры з альтэрнатыўным фарматам (0:0)
    Вынік ПДВ Дата Турнір Апанент у фінале Лік
    Перамога 1 21 жніўня 2011 Players Tour Championship 2011/2012 — Этап 3, Шэфілд, Англія Грэм Дот 4:2
    Параза 1 22 лютага 2015 Адкрыты чэмпіянат Уэльса, Кардыф, Уэльс Джон Хігінс 3:9

    Кваліфікацыйныя туры: 1 (1 параза)

    Вынік ПДВ Дата Турнір Апанент у фінале Лік
    Параза 1 9 мая 2009 Міжнародная адкрытая серыя 2008/2009 — Этап 8, Прэстацін, Уэльс Джо Джогія 5:6

    Зноскі

    Спасылкі

    commons: Бэн Вуластан на Вікісховішчы
    Тэмы гэтай старонкі (7):
    Катэгорыя·Вікіпедыя·Біяграфіі сучаснікаў
    Катэгорыя·Вікіпедыя·Спасылка на Вікісховішча непасрэдна ў артыкуле
    Катэгорыя·Нарадзіліся ў 1987 годзе
    Катэгорыя·Асобы
    Катэгорыя·Снукерысты Англіі
    Катэгорыя·Нарадзіліся ў Лестэры
    Катэгорыя·Нарадзіліся 14 мая