Чэмпіянат свету 2013 (англ.: World Snooker Championship 2013, таксама вядомы як Betfair World Snooker Championship 2013 — ад назвы спонсара) — прафесійны рэйтынгавы турнір па снукеры, які праходзіў з 20 красавіка па 6 мая 2013 году на арэне тэатру Крусібл, у Шэфілдзе, Англія. Турнір стаў 79-м розыгрышам чэмпіянату свету, які быў заснаваны ў 1927 годзе. Упершыню чэмпіянат свету спансавала кампанія Betfair. Прызавы фонд турніру склаў £1,111,000 (на £41,500 менш, чым у мінулым годзе), з якіх £250,000 атрымаў пераможца.