wd wp Пошук: ⬜

Томас Мюлер

.mw-parser-output .ts-Спартыўная_кар’ера-table{width:100%!important;display:table;margin:0 0 -2px;border-collapse:separate;text-align:left}.mw-parser-output .ts-Спартыўная_кар’ера-table th{background-color:#dcebff;text-align:center}.mw-parser-output .ts-Спартыўная_кар’ера-table td:nth-child(1){width:27%}.mw-parser-output .ts-Спартыўная_кар’ера-table td:nth-child(3){width:20%}.mw-parser-output .ts-Спартыўная_кар’ера-table.stripped tr:nth-child(odd){background-color:#f8f9fa}.mw-parser-output .ts-Спартыўная_кар’ера-table.stripped tr:nth-child(even){background-color:#eff1f3}.mw-parser-output .ts-Спартыўная_кар’ера-table.stripped tr.odd{background-color:#f8f9fa}.mw-parser-output .ts-Спартыўная_кар’ера-table.stripped tr.even{background-color:#eff1f3}body.skin-minerva .mw-parser-output .ts-Спартыўная_кар’ера-table.stripped tr{background-color:transparent} У Вікіпедыі ёсць артыкулы пра іншых асоб з прозвішчам Мюлер. Томас Мюлер (ням.: Thomas Müller; нар. 13 верасня 1989, Вайльгайм, ФРГ) — нямецкі футбаліст, нападнік мюнхенскай «Баварыі» і нацыянальнай зборнай Германіі. Мюлер можа гуляць на розных пазіцыях, як атакуючага паўабаронцы, другога форварда. Томас з’яўляецца бронзавым прызёрам чэмпіянату свету 2010. Уладальнік «Залатой бутсы» чэмпіянату свету 2010 года (5 мячоў + 3 перадачы), быў прызнаны найлепшым маладым іграком чэмпіянату.

Кар’ера

Клубная

У Бундэслізе дэбютаваў 15 жніўня 2008 года ў матчы супраць «Гамбурга». 12 верасня 2009 года Томас аформіў свой першы дубль у Бундэслізе ў матчы з «Барусіяй» Дортмунд, а праз тры дні паўтарыў свой вынік ужо ў Лізе чэмпіёнаў, забіўшы мячы ў браму «Макабі» з Хайфы (3:0). Па выніках сезона ён, нароўні з Тоні Кроасам, Марка Марынам і Штэфанам Кіслінгам стаў адкрыццём чэмпіянату, забіўшы 13 мячоў і выдаўшы 10 галавых перадач. Увогуле ў сезоне 2009/10 Томас забіў 19 галоў. Трансферны кошт іграка на 28 верасня 2011 года складаў 33 млн еўра.

Перад пачаткам новага сезона Томас падоўжыў кантракт з мюнхенцамі да 2015 года[5]. Першым трафеем для «Баварыі» у новым сезоне стаў Суперкубак краіны, дзе ў матчы супраць «Шальке 04» Томас забіў першы гол, а каманды атрымала перамогу з лікам 2:0. У матчы-адкрыцці чэмпіянату на Альянц-Арэне «Баварыя» прымала «Вольфсбург». Томас зноў выйшаў у старце і адкрыў лік сваім галам у Бундэслізе на 9-й хвіліне матча. Аднак «ваўкам» атрымалася зраўняць лік, але «мюнхенцы» намаганнямі Франка Рыберы атрымалі перамогу ў кампенсаваны час з лікам 2:1. Мюлер стала забіваў за клуб, аднак у гэтым сезоне гэта не дапамагло клубу з поўдня Германіі, гэта значыць «Баварыя» скончыла сезон без трафеяў.

Пасля сходу Луі ван Гала і з’яўлення новага трэнера Юпа Хайнкеса Томас не страціў месца ў асноўным складзе каманды. У першым матчы сезона Томас выйшаў на пляцоўку з першых хвілін і правёў увесь матч, аднак «Баварыя» сенсацыйна саступіла мёнхенгладбахскай «Барусіі». 20 жніўня Мюлер паўдзельнічаў у разгроме «Гамбурга» (5:0), зрабіўшы дзве галавыя перадачы. Першы гол у чэмпіянаце Томас забіў 18 верасня, у матчы 6-га тура супраць «Шальке», замацаваўшы перавагу «мюнхенцаў» (2:0). Ужо ў наступным туры Мюлер забіў другі гол у сезоне, адкрыўшы лік у матчы супраць «Баера» на 5 хвіліне сустрэчы (3:0). Аднак, асноўную стаўку на сезон «Баварыя» зрабіла на Лігу чэмпіёнаў, фінал якой праходзіў на хатнім стадыёне клуба — Альянц-Арэне. «Баварыя» стала праходзілся ва ўсіх турнірах далей, а Томас з’яўляўся адным з ключавых ігракоў каманды. Паводле вынікаў сезона Томас стаў фіналістам Кубка Германіі, Лігі чэмпіёнаў, а таксама правёў усе матчы ў чэмпіянаце, аднак каманда і ў гэтым турніры апынулася на другім прыступку.

Наступны сезон 2012/13 стаў сапраўды выдатным для каманды, пры гэтым у заваяваннях трафеяў Томас прымаў актыўны ўдзел. Ужо 12 жніўня 2012 года «Баварыя» стала ўладальнікам Суперкубка, пры гэтым матч скончыўся з лікам 2:1, а Мюлер стаў аўтарам пераможнага голу. 24 жніўня, у першым матчы туру Мюлер адразу адзначыўся, клуб атрымаў перамогу з лікам 0:3. Гэты гол стаў першым з 13-ці, якія забіў Томас у чэмпіянаце ў гэтым сезоне. Гэтак жа шмат, Томас забіваў у Лізе чэмпіёнаў, прычым тры мячы ён забіў у паўфіналах у матчых супраць «Барселоны» (два ў хатнім матчы, і адзін у гасцявым). У фінале, аднак, Томас не забіваў, але гэта не здолела перашкодзіць «Баварыі» стаць пераможцам еўрапейскага першынства. Праз некалькі дзён пасля гэтага, Томас забіў і аддаў галавую перадачу ў фінальным матчы Кубка Германіі. У выніку «Баварыя» перамагла ў фінале «Штутгарт» з лікам 3:2, заваяваўшы 3 трафей за сезон.

У сезоне 2013/14 у клуб прыйшоў Хасеп Гвардыёла на замену Юпу Хайнкесу. З новым трэнерам у Томаса склаліся добрыя адносіны, і ён працягваў гуляць на звыклай для сябе пазіцыі, часам выходзячы цэнтральным нападнікам.

Міжнародная

3 сакавіка 2010 года дэбютаваў у нацыянальнай зборнай Германіі ў таварыскім матчы са зборнай Аргенціны на мюнхенскай Альянц Арэне. Мюлер выйшаў у стартавым складзе і быў заменены на 66-й хвіліне на іншага дэбютанта Тоні Кроаса, а немцы саступілі 0:1. На чэмпіянаце свету 2014 у Бразіліі ў першым жа для немцаў матчы групавога этапу пацвердзіў свае бамбардзірскія амбіцыі, забіўшы тры мячы ў браму зборнай Партугаліі, стаўшы такім чынам аўтарам першага хет-трыку на турніры.

Дасягненні

«Баварыя»:

Чэмпіён Германіі (11): 2010, 2013, 2014, 2015, 2016, 2017, 2018, 2019, 2020, 2021, 2022
Уладальнік Кубка Германіі (6): 2010, 2013, 2014, 2016, 2019, 2020
Уладальнік Суперкубка Германіі (8): 2010, 2012, 2016, 2017, 2018, 2020, 2021, 2022
Пераможца Лігі чэмпіёнаў (2): 2013, 2020
Уладальнік Суперкубка УЕФА (2): 2013, 2020
Пераможца клубнага чэмпіянату свету (2): 2013, 2020

Германія:

Чэмпіён свету: 2014

Асабістае жыццё

У лістападзе 2009 года Томас ажаніўся з сяброўкай Лізай, з якой сустракаўся 2 гады.

Зноскі

↑ Thomas Müller // Transfermarkt — 2000. Праверана 9 кастрычніка 2017.
↑ THOMAS MULLER // Base de Datos del Futbol Argentino
↑ http://www.dfb.de/index.php?id=513279&action=showPlayer&player=mueller_thomas Праверана 13 ліпеня 2014.
1 2 https://fcbayern.com/us/teams/professionals/thomas-mueller
↑ “Бавария” продлила контракт с Мюллером. championat.com

Спасылкі

На Вікісховішчы ёсць медыяфайлы па тэме Томас Мюлер
Афіцыйны сайт