wd wp Пошук:
    ⬜

    Geely SC7

    Geely SC7Geely SC7Geely SC7 на ВікісховішчыGeely SC7 на ВікісховішчыАгульныя даныя

    Вытворца: Geely Automobile
    Выпуск: 2009—2015
    Зборка:  Кітай
     Беларусь
    [Дызайн](/Дызайн "Дызайн")
    Тып(ы) кузавы: 4‑дзв. седан (5‑месн.)
    На рынку
    Папярэднік
    Папярэднік
    Пераемнік
    Пераемнік

    Geely SC7 Haijing (кіт.: 海景) — седан кітайскай кампаніі Geely. На ўнутраным рынку Кітая прадаваўся пад суббрэндам Englon[1], на рынках Украіны[2] і краін Паўднёвай Амерыкі (Чылі[3]) — як Geely SL.

    Упершыню быў паказаны на Шанхайскім аўтасалоне ў красавіку 2009 года[4]. За час выпуску былі праведзеныя два рэстайлінгі: у 2014 і 2015 годзе.

    Агляд

    Экстэр’ер

    \{\{\{box_caption\}\}\} \{\{\{box_caption\}\}\} Першапачатковы дызайн Geely SC7 — чатырохдзверны седан C-класа. Прататыпам паслужыла Toyota Corolla Е120, якая выпускалася ў 2000—2006 гадах[5][6]. Дызайн задніх ліхтароў называюць падобным на оптыку дарэстайлінгавага Mercedes-Benz S-класа W221[7]. Рашотка радыятара, молдынг на вечцы багажніка і вонкавыя ручкі дзвярэй маюць храміраванае аздабленне.

    Габарытная даўжыня аўтамабіля складае 4682 мм, шырыня — 1739 мм, вышыня — 1485 мм, колавая база — 2602 мм.

    \{\{\{box_caption\}\}\} \{\{\{box_caption\}\}\} Рэстайлінгавы варыянт (2014—2015) У 2014 годзе быў праведзены рэстайлінг, у выніку чаго пярэдняя частка атрымала падабенства да мадэляў Б’юік[8][9]. Галоўнае адрозненне — новая рашотка з вертыкальнымі прутамі і новыя фары. Замест супрацьтуманных ліхтароў у бамперы з’явіліся святлодыёдныя хадавыя агні. Змяніліся карпусы вонкавых люстэркаў. Ззаду практычна ўсё засталося па-ранейшаму: і оптыка, і дызайн увогуле. Па вуглах задняга бампера з’явіліся дэкаратыўныя элементы імітуючыя накладкі на патрубкі выхлапной сістэмы. Хадавая частка і асноўныя агрэгаты не змяніліся[10].

    У 2015 годзе адбылося другое абнаўленне: новы бампер, новая пярэдняя оптыка і рашотка радыятара, якая захавала вертыкальны дызайн, але стала больш выпуклай[11].

    Інтэр’ер

    Салон — пяцімесны. Дызайн пярэдняй панэлі мае падабенства да панэлі Toyota Corolla дзявятага пакалення[12]. Руль рэгулюецца па вуглу нахілу, рэгуліроўка вышыні сядзення кіроўцы адсутнічае. Спінка задняга сядзення адкідваецца, трансфармуючы багажнік для перавозкі доўгіх рэчаў. Аб’ём багажніка — 560 літраў.

    На рэстайлінгавых SC7 2014 года ў інтэр’еры з’явілася новая панэль прыбораў і цэнтральная кансоль са срэбранай акантоўкай паветраводаў, блока кліматызацыі і мультымедыйнай сістэмы[9].

    Рухавікі

    Для беларускага рынку прапаноўваўся толькі адзін бензінавы рухавік аб’ёмам 1,8 літра і магутнасцю 127 к.с. пры 6200 аб/хв; максімальны круцільны момант — 162 Н·м пры 4250 аб/хв[13]. Па канструкцыі ён блізкі да таётаўскага рухавіка 1ZZ-FE: мае падобную поршневую, ГБЦ, рэгуліроўку зазораў клапанаў, але са спрошчанай сістэмай падачы паліва і ўпырску[14]. Мае два размеркавальныя валы, ланцужны прывад ГРМ і сістэму змены фаз газаразмеркавання.

    Мадэль рухавіка Тып Аб'ём Магутнасць Макс. круцільны момант Макс. хуткасць Выдатак паліва, л/100 км
    1,5 CVVT[15][16] JL4G15D L4, 16V, DOHC, CVVT 1,5 л (1498 см³) 106 к.с. (78 кВт)
    пры 6000-6200 аб/хв    		 135 Н·м
    пры 4800 аб/хв    		 165 км/г 7,5
    1,5 DVVT[15][17] JLγ-4G15 L4, 16V, DOHC, DVVT 1,5 л (1498 см³) 109 к.с. (80 кВт)
    пры 6000 аб/хв    		 140 Н·м
    пры 4200-4600 аб/хв    		 165 км/г 6,8
    1,8 CVVT[15] JL4G18 L4, 16V, DOHC, CVVT 1,8 л (1792 см³) 102 кВт
    пры 6200 аб/хв    		 172 Н·м
    пры 4200 аб/хв    		 185 км/г 7,5
    1,8 DVVT[15][18] JLγ-4G18 L4, 16V, DOHC, DVVT 1,8 л (1808 см³) 133 к.с. (98 кВт)
    пры 5800-6000 аб/хв    		 175 Н·м
    пры 4000-4400 аб/хв    		 170 км/г 8,5

    Шасі

    Прывад — пярэдні. Пярэдняя падвеска — тыпу McPherson, ззаду — паўзалежная тарсіённая бэлька. Пярэдняя каляіна — 1492 мм, задняя — 1472 мм. Дарожны прасвет — 160 мм. Тармазы — спераду і ззаду дыскавыя вентыляваныя, абсталёўваюцца ABS. Рулявое кіраванне — рэйкавае, абсталяванае гідраўзмацняльнікам.

    Каробка перадач — механічная, пяціступеньчатая. Пасля набыцця аўстралійскага вытворцы трансмісій Drivetrain Systems International(англ.) бел., Джылі атрымала магчымасць усталявання аўтаматычных каробак перадач DSI на свае мадэлі. У верасні 2012 года на аўташоу ў Цзінані быў паказаны SC7 з аўтаматам[19]. Шасціступеньчатая аўтаматычная каробка перадач прапаноўвалася для машын з рухавіком 1,8 л магутнасцю 133 к.с[20].

    Абсталяванне

    На беларускім рынку Geely SC7 прапаноўвалася ў дзвюх камплектацыях. У базавую версію GS уваходзілі кандыцыянер, гідраўзмацняльнік руля, пярэднія і заднія электрашклапад’ёмнікі, вонкавыя люстэркі з электрарэгуліроўкай і абаграваннем, рэгуляванне руля па вуглу нахілу, цэнтральны замок з кіраваннем з ключа, аўдыёсістэма CD/MP3/USB, франтальныя падушкі бяспекі для кіроўцы і пярэдняга пасажыра, ABS+EBD , імабілайзер і сігналізацыя. Камплектацыя GS+ адрознівалася толькі наяўнасцю клімат-кантроля замест кандыцыянера[10].

    Продажы ў Кітаі

    Продажы Geely SC7 Haijing у Кітаі, адз.[21]

    Зборка ў Беларусі

    На заводзе «Аўтагідраўзмацняльнік» у Барысаве ажыццяўлялася SKD-зборка аўтамабіляў Geely SC7. Машынакамплекты пастаўляліся праз літоўскі порт у Клайпедзе: кузаў на шасі з крэсламі, рулём, панэллю, без колаў і хадавой часткі. Рухавік паступаў на завод са знятым навясным абсталяваннем.

    Продажы Geely SC7 у Беларусі, адз.
    2013[22] 2014[23] 2015[24]
    350 1238 466

    Першыя аўтамабілі ў тэставым рэжыме былі сабраныя ў першай палове 2012 года. Таварныя аўтамабілі выйшлі на рынак у 2013 годзе. Адначасова пачаліся пастаўкі ў дзяржаўныя ўстановы: МНС і ДАІ. Пазней аўтамабілі сталі атрымліваць Дэпартамент аховы, Міністэрства абароны, Дзяржпагранкамітэт, Транспартная інспекцыя і інш. Закупалі аўтамабілі таксама службы таксі. У 2014 годзе ў Беларусь сталі паступаць машынакамплекты для зборкі рэстайлінгавай версіі SC7.

    На беларускім рынку Geely SC7 прапаноўвалася толькі з 1,8-літровым бензінавым рухавіком і механічнай каробкай перадач.

    «Першы беларускі электрамабіль»

    У жніўні 2017 года быў паказаны прататып электрамабіля беларускай распрацоўкі. Машына была спраектавана Аб’яднаным інстытутам машынабудавання Нацыянальнай акадэміі навук на базе Geely SC7[25].

    Усталяванне новай сілавой устаноўкі зроблена пры мінімальных зменах канструкцыі базавага аўтамабіля. З машыны быў дэмантаваны бензінавы рухавік з усімі агрэгатамі, уключаючы каробку перадач, выхлапную сістэму і бензабак. Пад капотам быў усталяваны сінхронны матор-рэдуктар, інвертар і кантролер. Магутнасць электрарухавіка складае 60 кВт (80 к.с.), круцільны момант электрапрывада — да 2600 Н·м. Для ахаладжэння пакінуты стандартны радыятар. Захавалася ўся бартавая электроніка — яе сілкаванне ажыццяўляецца ад акумулятара. Для сілкавання вакуумнага ўзмацняльніка тармазоў усталявана спецыяльная вакуумная помпа і рэсівер. Батарэя — літый-іонная, размешчана ў багажніку. Пастаўшчык — “Энер зэт” (Санкт-Пецярбург, Расія). Над батарэяй усталявана зарадная прылада. Раздым для зарадкі выведзены ў люк бензабака.

    Тэхнічныя характарыстыкі: ёмістасць батарэі — 32 А·г; ёмістасць суперкандэнсатара — 650 Вт·г; прабег на поўным зарадзе — 150 км; зарадка каля 3-4 гадзін ад 380 вольт альбо каля 6 гадзін ад 220 вольт; максімальная хуткасць — 110 км/г.

    Машына выкарыстоўвалася НАН у якасці хадавой лабараторыі для адпрацоўкі тэхналогій. У далейшым электракар быў мадэрнізаваны. Батарэю перанеслі з багажніка пад днішча, яе ёмістасць павялічылася ўдвая. На электроннае кіраванне былі пераведзеныя тармазная сістэма, рулявое кіраванне, панэль прыбораў і інш[26].

    Зноскі

    1. ↑
      主打豪华 上海英伦三款新车出席车展(кіт.)   (нявызн.)?. autohome.com.cn (10 красавіка 2009). Праверана 1 жніўня 2020.
    2. ↑
      В Украине стартуют продажи Geely SL(руск.) . autoconsulting.ua (19 верасня 2011). Праверана 1 жніўня 2020.
    3. ↑
      Geely SL: Nuevo Sedán debuta en Chile(ісп.) . autocosmos.cl (14 снежня 2011). Праверана 1 жніўня 2020.
    4. ↑
      品牌展示汇总：吉利车展新车多图汇总(кіт.)   (нявызн.)?. autohome.com.cn (22 красавіка 2009). Праверана 1 жніўня 2020.
    5. ↑
      Zotye vs Geely: или-или?(руск.) . abw.by (17 чэрвеня 2014). Праверана 1 жніўня 2020.
    6. ↑
      До Geely дожили, а что пережили? Каким был путь белорусской иномарки “для народа”(руск.) . av.by (10 снежня 2015). Праверана 1 жніўня 2020.
    7. ↑
      “Немного ржавчины - и все!” Что произойдет с Geely SC7 после 100 тыс.км(руск.) . av.by (28 снежня 2015). Праверана 1 жніўня 2020.
    8. ↑
      Spy Shots: Geely ‘Buick’ Englon SC7 seen testing in China(англ.) . carnewschina.com (2 ліпеня 2013). Праверана 1 жніўня 2020.
    9. 1 2
      Выбираем «Автомобиль 2014 года» на белорусском рынке: Nissan Sentra vs Geely SC7(руск.) . onliner.by (2 снежня 2014). Праверана 1 жніўня 2020.
    10. 1 2
      Geely SC7: и что в нем нового? // АВТОбизнес : газета. — № 39 (950), 2 кастрычніка 2014. (руск.)
    11. ↑
      小幅升级 2015款海景将于5月25日上市(кіт.)   (нявызн.)?. autohome.com.cn (18 мая 2015). Праверана 1 жніўня 2020.
    12. ↑ Geely SC7: достойный экземпляр… Для белоруса?(руск.) . abw.by (14 красавіка 2014). Праверана 13 жніўня 2021.
    13. ↑
      Белорусский Geely SC7 получил 1,8-литровый 127-сильный двигатель с расходом 7,5 литра(руск.) . onliner.by (1 лютага 2013). Праверана 1 жніўня 2020.
    14. ↑
      Geely SC7 Prestige – достойное решение для города // Новые машины / newauto.kz : часопіс. — 2014. — № 4 (6). — С. 11. (руск.)
    15. 1 2 3 4 Geely Englon SC7 (Haijing) Sedan(англ.) . chinaautoweb.com. Архівавана з першакрыніцы 30 чэрвеня 2020. Праверана 1 жніўня 2020.
    16. ↑
      比以往车型有质的提升 试驾华普海景(кіт.)   (нявызн.)?. autohome.com.cn (12 снежня 2009). Праверана 1 жніўня 2020.
    17. ↑
      解读低配车 实拍2014款海景1.5L低配车(кіт.)   (нявызн.)?. autohome.com.cn (17 кастрычніка 2014). Праверана 1 жніўня 2020.
    18. ↑
      全面进入6AT时代！试英伦SC7 6AT车型(кіт.)   (нявызн.)?. autohome.com.cn (12 снежня 2012). Праверана 1 жніўня 2020.
    19. ↑
      SC3/SC6/SC7 英伦旗下三款车型即将上市(кіт.)   (нявызн.)?. autohome.com.cn (5 верасня 2012). Праверана 1 жніўня 2020.
    20. ↑
      Geely SC7 gets an automatic gearbox in China(англ.) . carnewschina.com (10 верасня 2012). Праверана 1 жніўня 2020.
    21. ↑ Geely SC7 Haijing China Sales Figures(англ.) . carsalesbase.com. Праверана 1 жніўня 2020.
    22. ↑ Обзор рынка новых автомобилей в Беларуси за 2013 год(руск.) . domkrat.by (11 лютага 2014). Праверана 1 жніўня 2020.
    23. ↑ Статистика продаж 2014(руск.) . Беларуская аўтамабільная асацыяцыя / auto-baa.by. Архівавана з першакрыніцы 28.06.2018.
    24. ↑ Снова поскребли по сусекам, или Как белорусы покупали новые автомобили в 2015 году(руск.) . abw.by (17 лютага 2016). Праверана 1 жніўня 2020.
    25. ↑ Прэзентаваны першы беларускі электрамабіль (нявызн.). БелТА (22 жніўня 2017). Праверана 1 жніўня 2020.
    26. ↑ Первый белорусский электрический минивэн за $50 000. Кто его купит?(руск.) . av.by (19 лютага 2020). Праверана 30 верасня 2020.

    Літаратура

    Спасылкі

    Тэмы гэтай старонкі (7):
    Катэгорыя·Аўтамабілі 2000-х
    Катэгорыя·Аўтамабілі паводле алфавіта
    Катэгорыя·Аўтамабілі Беларусі
    Катэгорыя·Аўтамабілі 2010-х
    Катэгорыя·Седаны
    Катэгорыя·Аўтамабілі, прадстаўленыя ў 2009
    Катэгорыя·Аўтамабілі Geely