Шумяцкі раён
Шумяцкі раён (руск.: Шумячский район) — адміністрацыйна-тэрытарыяльная адзінка на паўднёвым захадзе Смаленскай вобласці Расіі.
Адміністрацыйны цэнтар — гарадскі пасёлак Шумячы.
Геаграфія
Плошча раёна — 1367,71 км².
Тэрытарыяльна раён мяжуе: на паўночным усходзе з Пачынкаўскім, на паўночным захадзе з Хіславіцкім, на поўдні з Ершыцкім, на ўсходзе з Рослаўльскім раёнамі Смаленскай вобласці. На захадзе раён мяжуе з Беларуссю.
Раён размяшчаецца Асцёрскай і Іпуцкай раўнінах. Глебы ў раёне дзярнова-сярэдне- і слабападзолістыя. Лясы займаюць 40,6 % тэрыторыі, галоўным чынам хваёвыя.
Буйныя рэкі: Асцёр, Сож, Шумячка.
Гісторыя
Упершыню ўтвораны ў 1929 годзе з частак тэрыторый Клімавіцкага і Мсціслаўскага паветаў Магілёўскай губерні і Рослаўскага павета Смаленскай губерні.
Насельніцтва
Колькасць насельніцтва — 13 580 чал., у тым ліку сельскага 9010 чал. (2007).
Беларуская дыяспара
У раёне з 2016 года дзейнічае філіял грамадскай арганізацыі нацыянальнай-культурнай аўтаноміі беларусаў, старшыня якой Леанід Міхайлавіч Долусаў.
Муніцыпальныя-тэрытарыяльнае падзел
З 2006 года ў Шумяцкім раёне 140 населеных пунктаў у складзе аднаго гарадскога і сямі сельскіх паселішчаў:
| № | Гарадское і сельскія паселішчы | Адміністрацыйны цэнтр | Колькасць населеных пунктаў | Насельніцтва | Плошча, км² |
|---|---|---|---|---|---|
| 1 | Шумяцкае гарадское паселішча | пгт Шумячы | 1 | ▼3817 | 7,31[1] |
| 2 | Надзейкавіцкае сельскае паселішча | вёска Надзейкавічы | 20 | ▼500 | 207,30[1] |
| 3 | Азёрнае сельскае паселішча | вёска Азёрная | 37 | ▼945 | 217,14[1] |
| 4 | Первамайскае сельскае паселішча | сяло Первамайскі | 13 | ▼1702 | 279,49[1] |
| 5 | Панятоўскае сельскае паселішча | станцыя Панятоўка | 17 | ▼708 | 139,44[1] |
| 6 | Рускаўскае сельскае паселішча | сяло Рускае | 21 | ▼670 | 136,09[1] |
| 7 | Снегіроўскае сельскае паселішча | вёска Снегіроўка | 22 | ▼714 | 233,00[1] |
| 8 | Студзянецкае сельскае паселішча | вёска Студзянец | 9 | 319 | 149,85[1] |
Эканоміка
У раёне маюцца радовішчы лёгкоплавких глін катэгорыі «А» для выпуску цэглы маркі 150—200, выпрацоўка пры вырабе 15 млн шт. у год — праз 70 гадоў.
Сельская гаспадарка спецыялізуецца на малочна-мясной жывёлагадоўлі і зерневодстве, ільнаводстве, вырошчванні бульбы. Прамысловасць: Першамайскі шкляны завод (заснаваны ў 1879 годзе), ільнозавод, спіртзавод, хлебакамбінат.
Славутасці
- У раёне знаходзяцца 494 кургана (па берагах рэк).
- Помнік прыроды мясцовага значэння — гай Карэльскай бярозы каля вёскі Вігурына Паляна.
Культавыя славутасці
- У вёсцы Дубавіцы паўразбураная царква канца XIX — пачатку XX стагоддзяў, стылізаваная пад XVIII стагоддзе.
Транспарт
Аўтадарога А130 «Масква-Варшава» (Варшаўская шаша). Чыгунка Рослаўль — Магілёў.
Асобы
Змітрок Астапенка (1910, в. Сяргееўка — 1944) — рэпрэсаваны беларускі паэт, перакладчык
Зноскі
Спасылкі
На Вікісховішчы ёсць медыяфайлы па тэме Шумяцкі раён
Катэгорыя·Вікіпедыя·Артыкулы з пераазначэннем значэння з Вікідадзеных
Катэгорыя·Старонкі з нелікавымі аргументамі formatnum
Катэгорыя·Нявызначаная краіна (тэлефонны код)
Category:%D0%A1%D1%82%D0%B0%D1%80%D0%BE%D0%BD%D0%BA%D1%96 %D0%B7 %D0%BA%D0%B0%D1%80%D1%82%D0%B0%D0%BC%D1%96
Катэгорыя·Раёны Смаленскай вобласці
Катэгорыя·Вікіпедыя·Спасылка на Вікісховішча непасрэдна ў артыкуле
Катэгорыя·Шумяцкі раён