wd wp Пошук: ⬜

Сяргей Аляксандравіч Карповіч

У Вікіпедыі ёсць артыкулы пра іншых асоб з прозвішчам Карповіч. .mw-parser-output .ts-Спартыўная_кар’ера-table{width:100%!important;display:table;margin:0 0 -2px;border-collapse:separate;text-align:left}.mw-parser-output .ts-Спартыўная_кар’ера-table th{background-color:#dcebff;text-align:center}.mw-parser-output .ts-Спартыўная_кар’ера-table td:nth-child(1){width:27%}.mw-parser-output .ts-Спартыўная_кар’ера-table td:nth-child(3){width:20%}.mw-parser-output .ts-Спартыўная_кар’ера-table.stripped tr:nth-child(odd){background-color:#f8f9fa}.mw-parser-output .ts-Спартыўная_кар’ера-table.stripped tr:nth-child(even){background-color:#eff1f3}.mw-parser-output .ts-Спартыўная_кар’ера-table.stripped tr.odd{background-color:#f8f9fa}.mw-parser-output .ts-Спартыўная_кар’ера-table.stripped tr.even{background-color:#eff1f3}body.skin-minerva .mw-parser-output .ts-Спартыўная_кар’ера-table.stripped tr{background-color:transparent} Сяргей Карповіч (нар. 29 сакавіка 1994, Пятрышкі, Мінскі раён) — беларускі футбаліст, абаронца гродзенскага «Нёмана».

Клубная кар’ера

Выхаванец СДЮШАР мінскага «Дынама», з 2010 года пачаў гуляць за дубль мінчан. Сезон 2013 правёў у арэндзе ў «Бярозе-2010», дзе трывала гуляў у аснове, дапамог клубу заняць выніковае 5-е месца ў Першай лізе. Па заканчэнні сезона ў снежні 2013 года вярнуўся ў «Дынама».

Сезон 2014 пачаў у дублі «Дынама». 4 мая 2014 года дэбютаваў за «Дынама» ў Вышэйшай лізе, выйшаўшы на 89-й хвіліне замест Андрэя Залескага ў матчы супраць «Белшыны» (4:1). Пазней стаў трывала з’яўляцца ў стартавым складзе мінчан на пазіцыі правага абаронцы.

У сезоне 2015 стаў атрымоўваць менш часу на полі. У ліпені 2015 года быў аддадзены ў арэнду «Нафтану» да канца сезона[4]. У складзе «Нафтана» замацаваўся ў якасці асноўнага правага абаронцы. Па заканчэнні сезона ў лістападзе 2015 года вярнуўся ў «Дынама»[5].

Да сезона 2016 рыхтаваўся разам з асноўнай камандай данамаўцаў, але ў сакавіку 2016 года на правах арэнды стаў іграком «Мінска»[6], дзе замацаваўся ў аснове. У ліпені 2016 года вярнуўся з арэнды ў склад дынамаўцаў[7]. Спачатку гуляў у аснове дынамаўцаў, але хутка страціў месца ў складзе.

У пачатку 2017 года галоўны трэнер мінчан Сяргей Бароўскі заявіў, што зноў плануе аддаць Карповіча ў арэнду, і ў сакавіку той далучыўся да «Гарадзеі»[8], дзе стаў асноўным правым абаронцам. У ліпені 2017 года «Дынама» датэрмінова вярнула Карповіча арэнды[9]. У другой палове правёў за «Дынама» толькі чатыры матчы ў чэмпіянаце і два ў Кубку Беларусі, чатыры матчы ў Лізе Еўропы. З верасня засаваўся на лаўцы запасных, гуляў за дубль. У лістападзе 2017 года па заканчэнні кантракта пакінуў сталічны клуб[10].

У снежні 2017 года падпісаў двухгадовы кантракт з жодзінскім «Тарпеда-БелАЗ»[11]. Пачынаў сезон 2018 у стартавым складзе жодзінцаў, але з лета стаў радзей трапляць на полі, гуляў за дубль. У снежні 2018 года пакінуў жодзінскі клуб[12].

У студзені 2019 года стаў іграком «Іслачы»[13], замацаваўся ў складзе каманды ў якасці асноўнага правага абаронцы. У лістападзе 2019 года падоўжыў кантракт з клубам[14]. Заставаўся іграком стартавага складу ў сезоне 2020, правёў усе 30 матчаў у чэмпіянаце Беларусі.

У студзені 2021 года накіраваўся на прагляд у расійскі клуб «Тамбоў», аднак пераход не адбыўся. У лютым 2021 года пакінуў «Іслач»[15] і неўзабаве далучыўся да казахстанскага «Кайсара», з якім у сакавіку падпісаў кантракт[16]. Пакінуў «Кайсар» па пагадненні бакоў у ліпені 2021 года[17] і неўзабаве стаў іграком калінінградскай «Балтыкі»[18]. Пакінуў расійскі клуб па заканчэнні кантракта ў чэрвені 2022 года[19].

У ліпені 2022 года падпісаў пагадненне з гродзенскім «Нёманам»[20].

Міжнародная кар’ера

У 2010—2012 гадах гуляў за юнацкія зборныя Беларусі.

Улетку 2013 года выступаў за малодшую моладзевую зборную Беларусі (да 20 гадоў). 25 студзеня 2014 года дэбютаваў у зборнай да 21 года ў матчы супраць Казахстана на Кубку Садружнасці. Хутка замацаваўся ў моладзевай зборнай як асноўны правы абаронца.

23 лютага 2020 года дэбютаваў за нацыянальную зборную Беларусі ў таварыскім матчы супраць Узбекістана (1:0), выйшаўшы на замену ў канцы сустрэчы.

Дасягненні

02 Срэбраны прызёр чэмпіянату Беларусі (2): 2014, 2017
03 Бронзавы прызёр чэмпіянату Беларусі: 2016

Статыстыка выступленняў

Сезон	Дывізіён	Клуб	Матчы	Галы
2010	дубль	Дынама	11	0
2011	дубль	Дынама	23	0
2012	дубль	Дынама	29	1
2013	Д2	Бяроза-2010	24	0
2014	Д1	Дынама	17	0
2015 (1)	Д1	Дынама	5	0
2015 (2)	Д1	Нафтан	11	1
2016 (1)	Д1	Мінск	14	0
2016 (2)	Д1	Дынама	4	0
2017 (1)	Д1	Гарадзея	12	0
2017 (2)	Д1	Дынама	4	0
2018	Д1	Тарпеда-БелАЗ	18	0
2019	Д1	Іслач	27	1
2020	Д1	Іслач	30	1
2021 (1)	Д1	Кайсар	17	0
2021/22	Д2	Балтыка	27	1

Зноскі

Спасылкі