wd wp Пошук:

Лаванда каласовая

Лава́нда каласовая[3] (Lavandula angustifolia) — від кветкавых раслін роду Лаванда (Lavandula) сямейства Ясноткавыя (Lamiaceae).

Батанічнае апісанне

Батанічная ілюстрацыя з кнігі О. В. Тамэ «Flora von Deutschland, Österreich und der Schweiz», 1885

Вечназялёны паўкусцік вышынёй 20—100[3] см, з моцным пахам. Цсяблы шматлікія, галінастыя, прыўзнятыя. Уся расліна шараватая ад апушэння. Корань стрыжнёвы. Лісце супраціўнае, сядзячае, простае, суцэльнае, падоўжана-лінейнае, з гладкім краем і скурыстай паверхняй. Кветкі звычайна фіялетавага колеру, сабраныя ў коласападобныя суквецці. Плод — арэшак жоўта-бурага колеру.

Распаўсюджанне і экалогія

Расліна паходзіць з Паўднёвай Еўропы (Італія, Францыя, Іспанія, Андора)[4]. Распаўсюдзілася паўсюдна ў Еўропе, таксама ў Паўночнай Амерыцы і Паўночнай Афрыцы[4].

Святлолюбівая расліна, ксерафіт, мезафіт і мезатроф[5]. Расце на сухіх і стэпавых лугах, камяністых россыпах і скалах, марскім узбярэжжы, ў горных хмызняках, парках і садах. Цвіце з ліпеня да першых замаразкаў[3]. Пладаносіць у верасні[3]. Размнажаецца насеннем[3].

Выкарыстанне

Эфіраалейная, меданосная і дэкаратыўная расліна. З суквеццяў лаванды каласовай атрымліваюць лавандавы алей, які выкарыстоўваецца ў якасці пахучага рэчыва ў парфумерыі і вытворчасці мыйных сродкаў, у вытворчасці лінілілацэтату, таксама ў ароматэрапіі

Зноскі

  1. Ужываецца таксама назва Пакрытанасенныя.
  2. Пра ўмоўнасць аднясення апісанай у гэтым артыкуле групы раслін да класа двухдольных гл. артыкул «Двухдольныя».
  3. 1 2 3 4 5 Энцыклапедыя прыроды Беларусі. У 5-і т. Т. 3. Катэнарыя — Недайка / Рэдкал. І. П. Шамякін (гал. рэд.) і інш. — Мн.: БелСЭ ім. Петруся Броўкі, 1984. — 588 с., іл. — 10 000 экз.
  4. 1 2 Germplasm Resources Information Network (GRIN-Taxonomy)(англ.)
  5. Лаванда узколистная: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)

Літаратура

Спасылкі

Тэмы гэтай старонкі (12):
Катэгорыя·Флора Паўночнай Амерыкі
Катэгорыя·Меданосныя расліны
Катэгорыя·Дэкаратыўныя расліны
Катэгорыя·Флора Паўночнай Афрыкі
Катэгорыя·Расліны паводле алфавіта
Катэгорыя·Вікіпедыя·Спасылкі на Энцыклапедыю прыроды Беларусі без аўтара
Катэгорыя·Спецыі
Катэгорыя·Вікіпедыя·Спасылкі на Энцыклапедыю прыроды Беларусі без назвы артыкула
Катэгорыя·Базілікавыя
Катэгорыя·Лекавыя расліны
Катэгорыя·Флора Еўропы
Катэгорыя·Вікіпедыя·Спасылкі на Энцыклапедыю прыроды Беларусі без нумароў старонак