Коцелы ці Катлы — шляхецкі род гербу «Пелікан».
Паводле падання, запісанага ў гербоўніках А. Каяловіча, К. Нясецкага і інш., паходзілі ад князя Коцела, які прыняў хрышчэнне ад святых Кірілы і Мяфодзія. З гэтай прычыны змяшчалі над радавым гербам выяву з княжацкай шапкай. На самай справе паходзілі з баяр. Першы вядомы прадстаўнік роду — Кацёл, які ў 1440—1443 гадах атрымаў ад вялікага князя Казіміра пацвярджэнне на маёнткі Смыкаў, Камарын і Зазарце ў Крамянецкім павеце.