wd wp Пошук: ⬜

Віталь Віктаравіч Радзівонаў

.mw-parser-output .ts-Спартыўная_кар’ера-table{width:100%!important;display:table;margin:0 0 -2px;border-collapse:separate;text-align:left}.mw-parser-output .ts-Спартыўная_кар’ера-table th{background-color:#dcebff;text-align:center}.mw-parser-output .ts-Спартыўная_кар’ера-table td:nth-child(1){width:27%}.mw-parser-output .ts-Спартыўная_кар’ера-table td:nth-child(3){width:20%}.mw-parser-output .ts-Спартыўная_кар’ера-table.stripped tr:nth-child(odd){background-color:#f8f9fa}.mw-parser-output .ts-Спартыўная_кар’ера-table.stripped tr:nth-child(even){background-color:#eff1f3}.mw-parser-output .ts-Спартыўная_кар’ера-table.stripped tr.odd{background-color:#f8f9fa}.mw-parser-output .ts-Спартыўная_кар’ера-table.stripped tr.even{background-color:#eff1f3}body.skin-minerva .mw-parser-output .ts-Спартыўная_кар’ера-table.stripped tr{background-color:transparent} У Вікіпедыі ёсць артыкулы пра іншых асоб з прозвішчам Радзівонаў. Віта́ль Радзіво́наў (нар. 11 снежня 1983, Віцебск) — былы беларускі футбаліст, нападнік. Выступаў за нацыянальную зборную Беларусі (2007—2017). На клубным узроўні вядомы па выступам за барысаўскі БАТЭ, з якім стаў шматразовым чэмпіёнам Беларусі, удзельнікам групавых раўндаў Лігі чэмпіёнаў і Лігі Еўропы.

Кар’ера

Клубная

У 2001—2002 гадах гуляў у віцебскім «Лакаматыве-96», які не здолеў выратаваць ад вылету ў Першую лігу. У 2003—2005 выступаў за жодзінскае «Тарпеда», у чэмпіянаце 2005 забіў за жодзінцаў 13 галоў.

З 2006 года стаў гуляць за клуб БАТЭ. Першы год атрымаўся няўдалым — усяго 4 галы, але потым Віталь замацаваўся ў аснове і стаў рэгулярна забіваць. У сезоне 2008 выдатна дзейнічала звязка Радзівонава з Генадзем Блізнюком — яны не толькі сталі найлепшымі бамбардзірамі чэмпіянату, але і дапамаглі БАТЭ ўпершыню ў гісторыі выйсці ў групавы раўнд Лігі чэмпіёнаў.

Пасля выдатнага сезона ў 2009 годзе быў аддадзены ў арэнду ў клуб другой нямецкай бундэслігі «Фрайбург». Дапамог клубу атрымаць перамогу ў турніры і месца ў вышэйшым нямецкім дывізіёне, але «Фрайбург» адмовіўся працягваць супрацоўніцтва, і Радзівонаў вярнуўся ў БАТЭ, дзе зноў стаў асноўным іграком.

Першую палову сезона 2011 прапусціў з-за траўмы. У ліпені 2011 года вярнуўся ў строй, але паспеў правесці толькі тры матчы чэмпіянату (пры гэтым у кожным вызначыўся голам) — 28 жніўня 2011 года ў матчы супраць «Дынама» ў сутыкненні з брамнікам мінчан Дзмітрыем Гушчанкам зноў атрымаў цяжкую траўму, з-за якой выбыў да канца сезона і не прыняў удзелу ў групавым раўндзе Лігі чэмпіёнаў 2011/2012.

У пачатку 2012 года вярнуўся ў асноўны склад, хоць некаторы час толькі выхадзіў на замену ў канцы матча. Выдатна праявіў сябе ў Лізе чэмпіёнаў 2012/2013: спачатку вырваў для БАТЭ перамогу ў матчы другога кваліфікацыйнага раўнда супраць македонскага «Вардара», забіўшы 2 галы ўжо ў кампенсаваны час (выніковы лік 3:2 на карысць БАТЭ), а ў раўндзе плэй-оф аформіў дубль у вароты ізраільскага «Хапаэля», тым самым дапамог БАТЭ ў трэці раз выйсці ў групавы этап Лігі чэмпіёнаў. Ужо ў групавым этапе забіў галы ў вароты «Ліля» і «Баварыі», якімі дапамог атрымаць перамогі з аднолькавым лікам 3:1.

У сезоне 2013 Радзівонаў нарэшце вярнуўся на выдатныя бамбардзірскія паказчыкі ў чэмпіянаце Беларусі (да таго тры гады запар найлепшым бамбардзрам клуба быў Рэнан Брэсан). У першых праведзеных дзесяці матчах нязменна адзначаўся голам або галявой перадачай (шэраг матчаў прапускаў з-за невялікай траўмы), у тым ліку забіваў у 8 сваіх матчах запар. Усё гэта дазволіла Віталю з 14 галамі зноў стаць найлепшым бамбардзірам чэмпіянату, таксама ён быў прызнаны найлепшым футбалістам і найлепшым нападнікам чэмпіянату па версіі АБФФ.

Сезон 2014 распачаў як асноўны цэнтральны нападнік, але ў другой палове сезона, у тым ліку з-за траўм, стаў чаргавацца на гэтай пазіцыі з Мікалаем Сігневічам. Усяго за сезон забіў 11 галоў у чэмпіянаце. У сезоне 2015 зноў замацаваўся асноўным нападнікам, за палову сезона забіў 9 галоў у чэмпіянаце, але 26 жніўня 2015 года ў матчы Лігі чэмпіёнаў супраць сербскага «Партызана» атрымаў траўму, з-за якой выбыў да канца сезона. У снежні 2015 года падоўжыў кантракт з БАТЭ[4]. Сезон 2016 правёў амаль поўнасцю, з-за траўмы не гуляў толькі ў маі. У 25 матчах чэмпіянату забіў 15 галоў, што дазволілі Радзівонаву ў трэці раз стаць найлепшым бамбардзірам Вышэйшай лігі (падзяліў званне бамбардзіра з аднаклубнікам Міхаілам Гардзейчуком).

У студзені 2017 года падпісаў чарговае аднагадовае пагадненне з барысаўчанамі[5]. У маі і чэрвені 2017 года не гуляў з-за траўмы, пасля вярнуўся ў асноўны склад на пазіцыю цэнтральнага нападніка. 26 лістапада 2017 года ў матчы апошняга тура чэмпіянату Беларусі супраць «Гарадзеі» выйшаў на замену ў другім тайме пры ліку 1:3 на карысць гарадзейцаў і здолеў забіць два галы, якія прынеслі БАТЭ нічыю 3:3 і разам з ёй чарговае чэмпіёнства.

У студзені 2018 года абвясціў аб завяршэнні прафесійнай кар’еры[6]. Усяго за БАТЭ правёў 412 матчаў ва ўсіх турнірах, забіў 161 гол. Разам з барысаўскім клубам стаў 12-разовым чэмпіёнам краіны. Неўзабаве пасля завяршэння кар’еры быў прызначаны спартыўным дырэктарам БАТЭ[7]. У красавіку 2019 года стала вядома аб зыходзе Радзівонава з пасады[8].

У жніўні 2019 года стаў начальнікам каманды ў мінскім «Энергетыку-БДУ»[9]. Пакінуў клуб у сакавіку 2020 года[10].

Міжнародная

З 2007 года выступаў за нацыянальную зборную Беларусі. Доўгі час разам з Сяргеем Карніленкам з’яўляўся асноўным нападнікам зборнай. Пасля таго, як у снежні 2014 года трэнерам зборнай стаў Аляксандр Хацкевіч, перастаў выклікацца ў галоўную каманду краіны. У сакавіку 2017 года, калі зборную ўзначаліў Ігар Крывушэнка, вярнуўся ў каманду і 25 сакавіка 2017 года пасля амаль трохгадовага перапынку зноў згуляў за зборную, выйшаўшы на замену ў матчы супраць Швецыі (0:4).

Дасягненні

01 Чэмпіён Беларусі (12): 2006, 2007, 2008, 2009, 2010, 2011, 2012, 2013, 2014, 2015, 2016, 2017
Уладальнік Кубка Беларусі (3): 2006, 2010, 2015
Уладальнік Суперкубка Беларусі (6): 2010, 2013, 2014, 2015, 2016, 2017
Пераможца другой нямецкай бундэслігі: 2009
У спісе 22 найлепшых футбалістаў чэмпіянату Беларусі (9): 2005, 2007, 2008, 2010, 2011, 2012, 2013, 2014, 2016
Найлепшы футбаліст чэмпіянату Беларусі (2): 2008, 2013
Найлепшы бамбардзір чэмпіянату Беларусі (3): 2008 (разам з Генадзем Блізнюком), 2013, 2016 (разам з Міхаілам Гардзейчуком)
Найлепшы нападнік чэмпіянату Беларусі (6): 2008, 2010, 2011, 2012, 2013, 2016
Член Клуба беларускіх бамбардзіраў (забіў больш за 100 галоў на вышэйшым узроўні)

Зноскі

↑ Vitali Rodionov // Transfermarkt — 2000. Праверана 9 кастрычніка 2017.
↑ Vitali Rodionov // FBref.com
↑ Vitali Rodionov // As — Madrid: Grupo PRISA, 1967.
↑ Виталий Родионов продлил контракт с БАТЭ
↑ Виталий Родионов продлил контракт с БАТЭ
↑ Виталий Родионов завершил игровую карьеру
↑ Виталий Родионов назначен спортивным директором БАТЭ
↑ Виталий Родионов покинул БАТЭ
↑ “Энергетик-БГУ” объявил о назначении Родионова на пост начальника команды
↑ Родионов покинул пост начальника команды “Энергетик-БГУ”

Спасылкі

Профіль на афіцыйным сайце БАТЭ (руск.)
Профіль на сайце transfermarkt.com (англ.)
Статыстыка на сайце National Football Teams (англ.)
Статыстыка на сайце footballfacts.ru (руск.)
Профіль на сайце by.tribuna.com (руск.)
Профіль на сайце soccerway.com (руск.)
Статыстыка на сайце UEFA.com (руск.)
Статыстыка на сайце FIFA (англ.)
Статыстыка на сайце soccerbase.com (англ.)
Профіль на сайце teams.by (руск.)
Профіль на сайце pressball.by (руск.)