wd wp Пошук: ⬜

Эдмон Гандзінэ

Эдмон Гандзінэ (фр.: Edmond Gondinet; 7 сакавіка 1828, Лар’ер, дэпартамент Верхняя В’ена — 19 лістапада 1888, Нёі-сюр-Се) — французскі драматург і лібрэтыст. Паставіў каля сарака п’ес на парыжскіх сцэнах, супрацоўнічаў, у прыватнасці, з Э. Лабішам і А. Дадэ.

Біяграфія

Спачатку спалучаў літаратурную кар’еру з адміністрацыйнай, аднак затым сышоў у адстаўку з пасады намесніка начальніка аддзела ў Міністэрстве фінансаў Францыі, каб цалкам прысвяціць сябе працы драматурга. Стварыў каля 40 п’ес, дэбютаваўшы аднаактовай камедыяй «Занадта цікаўны» (фр.: Trop curieux), пастаўленай на сцэне Камеды Франсэз 25 чэрвеня 1863 года.

Гандзінэ найбольш вядомы як аўтар лібрэта да трох опер Леа Дэліба: «Так сказаў кароль» (1873), «Жан дэ Нівель» (1880) і «Лакмэ» (1883), дзве апошнія — у суаўтарстве з Філіпам Жылем. Ён таксама супрацоўнічаў з кампазітарамі Раберам Планкетам і Раулем Пюньё(руск.) бел..

Узведзены ў званне рыцара ордэна Ганаровага легіёна ўказам ад 14 жніўня 1869 года.[4]

Імем Гандзінэ ў 1899 годзе названа вуліца ў Парыжы (rue Edmond Gondinet).

Лібрэта

«Так сказаў кароль» (фр.: Le roi l’a dit) (1873), апера камік, упершыню выкананая ў Парыжы ў Апера-Камік 24 мая 1873 года, потым яшчэ раз у тым жа тэатры 3 чэрвеня 1885 года на музыку Леа Дэліба
«Le Dada» (1876), вадэвіль у трох дзеях, упершыню выкананы ў Парыжы ў Тэатры Вар’етэ(англ.) бел. 18 лютага 1876 года ў музычным супрацоўніцтве з Жулем Кастэ(англ.) бел.. Гэты спектакль ніколі не друкаваўся
«Le Grand Casimir» (1879), спектакль у трох дзеях, упершыню выкананы ў Парыжы ў Тэатры Вар’етэ(англ.) бел. 11 студзеня 1879 года, у супрацоўніцтве з Жулем Прэвелем(англ.) бел. і Альбертам дэ Сен-Альбінам(англ.) бел. (лібрэта) і Шарлем Лекокам (музыка). Нягледзячы на тое, што лібрэта было надрукавана, яно не было падпісана Эдмонам Гандзінэ
«Les Voltigeurs de la 32ème» (1880), апера камік у трох дзеях, упершыню выкананая ў Парыжы ў Тэатры Рэнесанс(англ.) бел. 7 студзеня 1880 года, у супрацоўніцтве з Жоржам Дзювалем(англ.) бел. (лібрэта) і Раберам Планкетам (музыка)
«Жан дэ Нівель» (1880), опера ў трох дзеях, упершыню выкананая ў Парыжы ў Апера-Камік 8 сакавіка 1880 года, у супрацоўніцтве з Філіпам Жылем (лібрэта) на музыку Леа Дэліба
«Лакмэ» (1883), опера ў трох дзеях, упершыню выкананая ў Парыжы ў Апера-Камік 14 красавіка 1883 годзе, у супрацоўніцтве з Філіпам Жылем (лібрэта) на музыку Леа Дэліба
«Mam’zelle Gavroche» (1885), аперэта ў трох дзеях, упершыню выкананая ў Парыжы ў Тэатры Вар’етэ(англ.) бел. 24 студзеня 1885 года, у супрацоўніцтве з Эрнестам Блюмам(англ.) бел. і Альбертам дэ Сен-Альбінам(англ.) бел. (лібрэта) на музыку Фларымона Эрвэ. Гэта лібрэта ніколі не друкавалася

Зноскі

1 2 Edmond Gondinet // SNAC — 2010. Праверана 9 кастрычніка 2017.
1 2 Edmond Gondinet // International Music Score Library Project — 2006. Праверана 9 кастрычніка 2017.
1 2 Edmond Gondinet // Discogs — 2000. Праверана 9 кастрычніка 2017.
↑ Dossier:LH/1166/60 (archive), sur Base Léonore

Літаратура

Крылов В. А. Гондине, Эдмонд // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907.