«Камеды́ Франсэ́з»[5] (фр.: Comédie-Française), афіцыйная назва Тэа́тр Франсэ́ або Францу́зскі Тэа́тр (фр.: Théâtre-Français) — найстарэйшы нацыянальны тэатр Францыі, які месціцца ў цэнтры Парыжа, у 1-й адміністрацыйнай акрузе горада, у палацы Пале-Раяль. Заснаваны ў 1680 годзе ў Парыжы паводле ўказа Людовіка XIV, які аб’яднаў тэатр Мальера(англ.) бел., што раней зліўся з тэатрам «Марэ(англ.) бел.», і тэатр «Бургундскі атэль(руск.) бел.».
Валодаў манаполіяй на выкананне літаратурнай драмы, атрымліваў датацыю, што дазваляла запрашаць лепшых акцёраў. Стаў школай акцёрскага і рэжысёрскага майстэрства.
У час французскай рэвалюцыі канца 18 стагоддзя «Камеды Франсэз» распаўся на «Тэатр Нацыі» і «Тэатр Рэспублікі», якія ў 1799 годзе зноў аб’ядналіся пад назвай «Камеды Франсэз».
У розны час у «Камеды Франсэз» выступалі Ф. Ж. Тальма, Э. Рашэль(руск.) бел., С. Бернар, Б. К. Каклен(руск.) бел., Ж. Л. Баро і інш.
У наш час «Камеды Франсэз» захоўвае ў рэпертуары творы Мальера, П. Карнеля, Ж. Расіна, П. Бамаршэ, класічныя традыцыі.