Цяцю́шнік прамастаячы[3] (Euphrasia stricta) — від кветкавых раслін роду Цяцюшнік (Euphrasia) сямейства Заразіхавыя (Orobanchaceae).
Цяцюшнік прамастойны[4], цяцюшнік прамы, кашэчы сардэчнік[4], зязюлька[4], шчыр[4], пельнік, чабрэц[5], кашачы сядзечнік[6][7][8].
Аднагадовая травяністая расліна вышынёй 5—50[4] см. Сцябло прамое, апушанае, чырвона-бурага колеру. Лісце супраціўнае, простае, суцэльнае, шырокаяйцападобнай формы, з зубчастым краем, апушанае. Кветкі белага колеру з ліловым або ружовым адценнем. Пялёсткаў 5. Тычынак 4. Плод — каробачка.
Расліна распаўсюджана на тэрыторыі Еўропы, Азіі і Паўночнай Амерыкі. Святлолюбівая расліна-паразіт[9]. Мезафіт[9]. Расце на горных лугах, узлесках і палянах, камяністых і засмечаных мясцінах, па берагах вадаёмаў, на аблогах, пустках, пашах і агародах, каля жылля і дарог. Цвіце ў чэрвені—верасні[4].
Ахоўваецца на тэрыторыі Луганскай вобласці[9][10] Украіны і шэрагу рэгіёнаў Расіі[9].
Лекавая расліна. Настой травы выкарыстоўваецца ў якасці вяжучага, процізапаленчага і гіпатэнзіўнага сродку[4].