Целяха́ны[2] (трансліт.: Cieliachany, руск.: Телеханы) — гарадскі пасёлак у Івацэвіцкім раёне Брэсцкай вобласці Беларусі, на Агінскім канале, на аўтадарозе Івацэвічы—Пінск. Цэнтр Целяханскага сельсавета. За 45 км да паўднёвага ўсходу ад г. Івацэвічы, 181 км ад Брэста. Насельніцтва 3 985 чал. (2017)[3].
Вядомыя з 16 ст. як вёска ў Пінскам павеце Берасцейскага ваяводства ВКЛ. З 17 ст. мястэчка. Належалі князям Дольскім, Вішнявецкім, у 19 ст. — Пуслоўскім. Эканамічнаму росту мястэчка спрыяла будаўніцтва Агінскага канала.
У 1775—1778 гг. Міхал Казімір Агінскі заснаваў тут фаянсавую мануфактуру, якая вырабляла дэкаратыўныя вазы, скульптуру малых форм, фрызы і карнізы для камінаў і печаў.
Пасля другога падзелу Рэчы Паспалітай у 1793 г. — у складзе Расійскай імперыі. Мястэчка набыў Войцех Пуслоўскі.
З 1921 г. у складзе Польшчы, з 1939 г. у БССР. 6 снежня 1956 года вёска Целяханы была пераўтворана ў гарадскі пасёлак[4].
|
Прадпрыемствы лесанарыхтоўчай, дрэваапрацоўчай і харчовай прамысловасці.