ФК Арсенал Дзяржынск
«Арсенал» — беларускі футбольны клуб з горада Дзяржынск, заснаваны ў 2019 годзе. Па выніках сезона 2022 клуб страціў месца ў Вышэйшай лізе чэмпіянату Беларусі.
Гісторыя
Аб стварэнні новага клуба пад назвай «Арсенал» стала вядома ў студзені 2019 года[1]. Фундатарамі новага клуба сталі беларускі прадпрымальнік Аляксей Меляшкевіч і шведскі бізнесмен Алекс Русхольм, прэзідэнт шведскага футбольнага клуба «АФК Эскільстуна»[2]. Каманда, складзеная ў асноўным з нядаўніх дублёраў клубаў Вышэйшай лігі, а таксама з некалькіх вопытных ветэранаў і мясцовых ігракоў, адразу заявілася ў Другую лігу чэмпіянату Беларусі. Каманда паспяхова прайшла дыстанцыю, выйграла барацьбу з «Ашмянамі-БДУФК» за першы радок і стала чэмпіёнам Другой лігі.
У 2020 годзе каманда працягвала камплектавацца маладымі ігракамі, а таксама некалькімі вопытнымі выканаўцамі. З-за неадпаведнасці стадыёна ў Дзяржынску патрабаванням хатнія матчы «Арсенал» праводзіў на стадыёне РЦАР-БДУ ў Мінску. Каманда добра пачала выступленне ў Першай лізе, доўгі час вёў барацьбу за высокія месцы і магчымы выхад у Вышэйшую лігу, але пазней стаў саступаць канкурэнтам і ў выніку стаў чацвёртым. У верасні пасаду галоўнага трэнера пакінуў Сяргей Ясковіч, замест яго кіраваць камандай стаў абаронца Павел Кірыльчык.
У сезоне 2021 камандай працягваў кіраваць Павел Кірыльчык. Хатнія матчы «Арсенал» стаў праводзіць на стадыёне «Гарадзея». Каманда хутка захапіла лідарства ў табліцы і, нягледзячы на шэраг няўдалых адрэзкаў, захавала першы радок да канца турніру і выйшла ў Вышэйшую лігу.
У сезоне 2022 клуб захаваў асноўных ігракоў. У Вышэйшай лізе клуб стаў адным з аўтсайдараў і доўгі час ішоў у зоне вылету, аднак паспяховы фініш дазволіў скончыць чэмпіянат на 14-м месцы з 16. У стыкавых матчах за месца ў Вышэйшай лізе на наступны сезон «Арсенал» саступіў рагачоўскаму «Макслайну» (3:2, 1:3) і выбыў у Першую лігу.
Цяперашні склад
Станам на верасень 2022 года[3].
|
| |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
Рэзервовы склад
|
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
Трэнерскі штаб
Павел Кірыльчык (нар. 1981) — галоўны трэнер- Дзмітрый Тарасевіч (нар. 1988) — трэнер
- Ігар Ражкоў (нар. 1981) — трэнер
Ігар Куцепаў (нар. 1965) — галоўны трэнер дубля- Ігар Кандрацьеў (нар. 1987) — трэнер дубля
- Дзмітрый Стомаль (нар. 1993) — трэнер дубля
Дасягненні
- Пераможца Першай лігі чэмпіянату Беларусі: 2021
- Пераможца Другой лігі чэмпіянату Беларусі: 2019
Статыстыка выступленняў
Чэмпіянат і Кубак Беларусі
| Сезон | Ліга | М | Г | В | Н | П | Галы | Ачкі | Кубак | Заўвагі |
|---|---|---|---|---|---|---|---|---|---|---|
| 2019 | Другая (Д3) | 1 | 28 | 25 | 1 | 2 | 119–14 | 76 | 1/16 фіналу |  Выхад у Першую лігу |
| 2020 | Першая (Д2) | 4 | 26 | 13 | 7 | 6 | 41–28 | 46 | Чвэрцьфінал | |
| 2021 | Першая (Д2) | 1 | 33 | 20 | 8 | 5 | 59–22 | 68 | 1/8 фіналу | Выхад у Вышэйшую лігу |
| 2022 | Вышэйшая (Д1) | 14 | 30 | 5 | 8 | 17 | 18–42 | 23 | 1/8 фіналу | |
| Пераходныя матчы[upper-alpha 1] | 2 | 1 | 0 | 1 | 4–5 |  Вылет у Першую лігу | ||||
- ↑ Пераходныя матчы за месца ў Вышэйшай лізе супраць рагачоўскага «Макслайна», чацвёртай каманды Першай лігі 2022 (3:2, 1:3).
Галоўныя трэнеры
- Сяргей Ясковіч (студзень 2019 — верасень 2020)
- Павел Кірыльчык (в.а. у верасні — снежні 2020; са студзеня 2021)
Зноскі
- ↑ В Беларуси появится новый футбольный клуб – «Арсенал» из Дзержинска. С командой уже тренируются Вячеслав Глеб и Осипенко
- ↑ «Арсенал» из Дзержинска – очень амбициозный проект. Клуб заинтересовал даже младшего Глеба
- ↑ 32-й чемпионат. Заявки команд высшей лиги
Спасылкі
Тэмы гэтай старонкі (5):Катэгорыя·Вікіпедыя·Артыкулы з пераазначэннем значэння з Вікідадзеных
Катэгорыя·ФК Арсенал Дзяржынск
Катэгорыя·Футбольныя клубы паводле алфавіта
Катэгорыя·Футбольныя клубы Беларусі
Катэгорыя·Футбольныя клубы, заснаваныя ў 2019 годзе