wd wp Пошук: ⬜

Уладзімір Пятровіч Кёпен

У Вікіпедыі ёсць артыкулы пра іншых асоб з прозвішчам Кёпен. Уладзімір Пятровіч Кёпен (руск.: Владимир Петрович Кёппен, ням.: Wladimir Peter Köppen, 25 верасня [7 кастрычніка] 1846, Санкт-Пецярбург — 22 чэрвеня 1940, Грац) — нямецка-рускі географ, метэаролаг, кліматолаг і батанік.

Біяграфія

Нарадзіўся ў сям’і навукоўца-этнографа Пятра Іванавіча Кёпена ў Санкт-Пецярбургу. Малодшы брат акадэміка Фёдара Пятровіча Кёпена. Вучыўся ў Санкт-Пецярбургскім універсітэце і ва ўніверсітэтах Гайдэльберга і Лейпцыга, дзе ў 1870 годзе абараніў дысертацыю.

З 1872 па 1875 год працаваў Галоўнай геафізічнай абсерваторыі, сакратаром метэаралагічнай камісіі Імператарскага Рускага геаграфічнага таварыства, затым паступіў на службу ў германскую марскую абсерваторыю ў Гамбургу (ням.: Deutsche Seewarte), дзе працаваў да 1919 года.

«Über die Abhängigkeit des klimatischen Charakters der Winde von ihrem Ursprunge» («Repert. für Meteorologie», том IV);
«Tägliche Perioden der Windgeschwindigkeit» (там жа, 1879);
«Wolken Atlas» (Гамбург, 1890);
«Klimalehre» (Лейпцыг, 1906);
«Maritime Meteorologie» (1909).

Яго праца «Geographisches System der Klimate» (1936), у якой ён распрацаваў аб’ектыўную класіфікацыю клімату на зямлі, дагэтуль мае вялікае значэнне.