Уладзімір Антонавіч Ску́гар (15 ліпеня 1914 — 14 кастрычніка 2006) — лётчык ВПС Чарнаморскага флоту. Удзельнік Вялікай Айчыннай вайны. Герой Савецкага Саюза (1944).
Нарадзіўся ў вёсцы Жабыкі (зараз у Касцюковіцкім раёне Магілёўскай вобласці Беларусі). Скончыў рабфак. Працаваў у Маскве на заводзе «Маскоўскі бондар». З 1935 года ў Ваенна-Марскім Флоце. У 1938 годзе скончыў Ейскае ваенна-марское авіяцыйнае вучылішча.
У баявых дзеяннях падчас Вялікай Айчыннай вайны прымаў удзел з чэрвеня 1941 года. Лётчык, камандзір звяна 40-га бамбардзіровачнага авіяпалка 63-й авіяцыйнай брыгады дальняга дзеяння Ваенна-паветраных сіл Чарнаморскага флоту. У чэрвені 1942 года прызначаны камандзірам звяна 27-й асобнай разведвальнай эскадрыллі, у маі 1943 г. — намеснікам камандзіра эскадрыллі 30-га разведвальнага авіяпалка ВПС Чарнаморскага флоту[1].
У. А. Скугар прымаў удзел абароне Адэсы, Севастопаля, Паўночнага Каўказа. Выконваў разведку на марскіх камунікацыях і ў партах Румыніі і Балгарыі. Да студзеня 1944 года капітан У. А. Скугар выканаў 297 баявых вылетаў, у т.л. 196 на дальнюю паветраную разведку і 101 на бамбардзіроўку аэрадромаў, камунікацый і ваенна-прамысловых цэнтраў у тыле праціўніка[1].
Васля вайны У. А. Скугар працягваў ваенную службу. Скончыў вышэйшыя афіцэрскія курсы ВПС ВМФ у Маздоку. Праходзіў службу ў Адэсе і на авіябазе ў пасёлку Гвардзейскае (Крым). У 1955 годзе скончыў авіяцыйны факультэт Ваенна-паветранай акадэміі. Служыў у авіяцыйных частках Паўночнага флоту.
З 1961 года палкоўнік У. А. Скугар у запасе. Жыў у Сімферопалі. Да 1978 года працаваў у грамадзянскай авіяцыі — кіраўнік палётамі галоўнага аэрапорта Сімферопаля, намеснік начальніка па наземным службам аэрапорта. Ганаровы грамадзянін Аўтаномнай Рэспублікі Крым.
Памёр 14 красавіка 2006 года. Пахаваны ў Сімферопалі на могілках «Абдал»[1].