Маздок (руск.: Моздок) — горад (з 1785) у Расіі, адміністрацыйны цэнтр Маздоцкага раёна Паўночнай Асеціі. Насельніцтва 40,8 тыс. чал. (2005), другі па колькасці насельніцтва горад рэспублікі. Заснаваны ў 1759 годзе.
Горад размешчаны левым беразе ракі Церак, за 92 км ад Уладзікаўказа.
Прадпрыемствы харчовай прамысловасці: вінзавод, мясакамбінат, малочны завод, хлебазавод, півавараны завод. Лёгкая прамысловасць: гардзінная фабрыка. Цэлюлозна-папяровая прамысловасць: кардонная фабрыка. Цагельня. Чыгуначная станцыя.
Нацыянальны склад насельніцтва (2002): рускія — 62,73 %, асеціны — 7,66 %, армяне — 6,12 %, кумыкі — 4,55 %, чачэнцы — 4,25 %, кабардынцы — 3,16 %, карэйцы — 2,39 %.