Сістэматыка раслін
| Раздзел батанікі
Сістэматыка раслін |
| Аб'екты даследавання |
| Раздзелы батанікі |
|
Альгалогія · Анатомія раслін · Брыялогія · Геабатаніка · Геаграфія раслін · Дэндралогія · Дыяспаралогія · Карпалогія · Ліхеналогія · Мікагеаграфія · Мікалогія · Марфалогія раслін · Палеабатаніка · Паліналогія · Сістэматыка раслін · Фізіялогія раслін · Фітапаталогія · Фларыстыка · Экалогія раслін · Этнабатаніка… |
| Знакамітыя батанікі |
|
Тэафраст |
| Гісторыя |
|
Гісторыя батанікі |
Сістэматыка раслін — раздзел батанікі, якая займаецца апісаннем раслінных арганізмаў (уключаючы вымерлых), размеркаваннем іх па групах (від, род, сямейства, парадак, клас, аддзел), размяшчэннем груп у пэўным парадку – сістэме. Задача дысцыпліны — стварэнне сістэмы, якая з’яўляла б сваяцкую сувязь паміж групамі раслін, ход гістарычнага развіцця расліннага свету на Зямлі. Асноўныя метады — параўнальна-марфалагічны, анатамічны, эмбрыялагічны, фізіёлага-біяхімічны, палеанталагічны, эколага-марфалагічны, марфолага-геаграфічны. Мае шмат агульнага з сістэматыкай жывёл. Цесна звязана з марфалогіяй раслін, анатоміяй раслін, палеабатанікай і інш.
Гісторыя
У гісторыі сістэматыкі раслін выдзяляюць наступныя асноўныя перыяды:
Перыяд штучных сістэм
Штучныя сістэмы грунтаваліся на нямногіх адзнаках, адвольна выбраных аўтарамі. Напр., К. Ліней падзяліў усе расліны на 24 класы (23 класы кветкавых і 1 клас бяскветкавых), узяўшы за аснову колькасць, даўжыню і спосаб прымацавання тычынак.
Гл. таксама: А. Чэзальпіна, Дж. Рэй, Ж. Турнефор, К. Ліней.
Перыяд натуральных сістэм
Натуральныя сістэмы аб’ядноўвалі расліны ў групы паводле падабенства многіх асноўных адзнак, выяўляліся сваяцтвы паміж групамі, выкарыстоўваўся не толькі марфалагічны, але і анатамічны метад.
Гл. таксама: А. Жусьё, А. Дэкандоль.
Філагенетычная сістэматыка раслін
Філагенетычная сістэматыка раслін развілася на аснове тэорыі эвалюцыі Ч. Дарвіна, і з’яўляе паслядоўнае развіццё расліннага свету і ўзаемнае сваяцтва асобных груп раслін.
Гл. таксама: А. Браун, А. Энглер, Г. Галір, Ч. Бэсі, Р. Ветштэйн, М. І. Кузняцоў, М. А. Буш, А. А. Грасгейм, Б. М. Коза-Палянскі, А. Л. Тахтаджан.
Усе расліны ўмоўна падзяляюцца на групы ніжэйшых і вышэйшых расліны, якія, у сваю чаргу, падзяляюцца на аддзелы (тыпы):
- ніжэйшыя расліны або талафіты (Thallophyta)
- пірафітавыя водарасці (Pyrrophyta)
- эўгленавыя водарасці (Euglenophyta)
- зялёныя водарасці (Chlorophyta)
- харавыя водарасці (Charophyta)
- жоўта-зялёныя водарасці
- залацістыя водарасці (Chrysophyta)
- дыятомавыя водарасці (Bacillariophyta)
- бурыя водарасці
- чырвоныя водарасці
- сіне-зялёныя водарасці
- бактэрыі
- міксаміцэты
- грыбы
- лішайнікі
- псілафітападобныя (Psilophyta)
- псілатападобныя (Psilotophyta)
- дзеразападобныя (Lycopodiaphyta)
- хвошчападобныя (Equisetaphyta)
- вышэйшыя або лістасцябловыя (Cormophyta)
- мохападобныя (Bryophyta)
- папарацепадобныя (Pteridophyta, Pterophyta)
- голанасенныя (Gymnospermae)
- пакрытанасенныя (Angiospermae)
Літаратура
- Сапегін Л.М. Батаніка. Сістэматыка вышэйшых раслін: вучэбны дапаможнік для студэнтаў устаноў вышэйшай адукацыі па біялагічных спецыяльнасцях / Л. М. Сапегін. — Гомель: ГДУ, 2012. — 337 с. ISBN 978-985-439-644-6
Катэгорыя·Раздзелы батанікі
Катэгорыя·Сістэматыка раслін