wd wp Пошук: ⬜

Міксаміцэты

Міксаміцэты, сапраўдныя слізевікі (Myxomycetes) — клас (або падклас) слізевікоў (Mycetozoa), які ўключае каля 800 відаў арганізмаў.

Апісанне

Маюць вегетатыўнае цела ў выглядзе слізістай, без абалонкі шмат’ядзернай (ядры дыплоідныя) пратаплазмы — плазмодыя дыяметрам ад некалькіх міліметраў да 1 м, ярка афарбаване (лімонна-жоўтае, ружовае, чырвонае, фіялетавае да амаль чорнага).

Пашырэнне

Шырока распаўсюджаныя наземныя арганізмы. Жывуць пераважна на рэштках расліннага, радзей жывёльнага і грыбнога паходжання. Большасць відаў касмапаліты. Найлепш вывучаны плазмадыяльныя слізевікі лясных зон умеранага і трапічнага паясоў.

Асаблівасці біялогіі

Адсутнасць клетачнай сценкі ў плазмодыя стварае ўмовы для ўнутрыклетачнага стрававання. Плазмодый актыўна фагацытуе бактэрыі, прасцейшых, водарасці, дробных беспазваночных і розныя цвёрдыя харчовыя часцінкі.

Плазмодый валодае амёбападобнай актыўнасцю і рытмічным токам цытаплазмы. Ён можа актыўна міграваць і валодае рознымі станоўчамі і адмоўнымі таксісамі.

Пры пэўных умовах з плазмодыя ўтвараецца спаракарп, у якім фарміруюцца споры.

Гл. таксама

Леякарпус ломкі

Літаратура

Бельская С. Слізевікі // Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 2002. — Т. 15: Следавікі — Трыо. — 552 с. — 10 000 экз. — ISBN 985-11-0251-2 (т. 15), ISBN 985-11-0035-8.
Протисты: Руководство по зоологии / под ред. академика РАН А. Ф. Алимова. — СПб.: Наука, 2000. — Т. 1. — 679 с. ISBN 5-02-025864-4
Fiore-Donno AM, Berney C, Pawlowski J, Baldauf SL (2005). “higher-order phylogeny of plasmodial slime molds (Myxogastria) based on elongation factor 1-A and small subunit rRNA gene sequences”. J. Eukaryot. Microbiol. 52 (3): 201–10. doi:10.1111/j.1550-7408.2005.00032.x. PMID 15926995.
Dictionary of the Fungi. 10th ed. Wallingford: CABI. 2008. p. 765. ISBN 0-85199-826-7. https://archive.org/details/dictionaryfungit00kirk.
Baldauf SL, Doolittle WF (October 1997). “Origin and evolution of the slime molds (Mycetozoa)”. Proc. Natl. Acad. Sci. U.S.A. 94 (22): 12007–12. doi:10.1073/pnas.94.22.12007. PMID 9342353. PMC: 23686. http://www.pnas.org/cgi/pmidlookup?view=long&pmid=9342353.