wd wp Пошук: ⬜

Сяргей Вячаслававіч Крывец

У Вікіпедыі ёсць артыкулы пра іншых асоб з прозвішчам Крывец. .mw-parser-output .ts-Спартыўная_кар’ера-table{width:100%!important;display:table;margin:0 0 -2px;border-collapse:separate;text-align:left}.mw-parser-output .ts-Спартыўная_кар’ера-table th{background-color:#dcebff;text-align:center}.mw-parser-output .ts-Спартыўная_кар’ера-table td:nth-child(1){width:27%}.mw-parser-output .ts-Спартыўная_кар’ера-table td:nth-child(3){width:20%}.mw-parser-output .ts-Спартыўная_кар’ера-table.stripped tr:nth-child(odd){background-color:#f8f9fa}.mw-parser-output .ts-Спартыўная_кар’ера-table.stripped tr:nth-child(even){background-color:#eff1f3}.mw-parser-output .ts-Спартыўная_кар’ера-table.stripped tr.odd{background-color:#f8f9fa}.mw-parser-output .ts-Спартыўная_кар’ера-table.stripped tr.even{background-color:#eff1f3}body.skin-minerva .mw-parser-output .ts-Спартыўная_кар’ера-table.stripped tr{background-color:transparent} Сяргей Крывец (нар. 8 чэрвеня 1986, Гродна) — беларускі футбаліст, паўабаронца польскага клуба «Вяра Леха» з Познані. Ігрок нацыянальнай зборнай Беларусі (2008—2016). Футбаліст года Беларусі (2014).

Клубная кар’ера

Кар’ера Сяргея пачыналася ў Гродна, дзе ён займаўся ў ДЮСШ «Белкард», пад кіраўніцтвам Уладзіміра Сямерыкава. У 2003 годзе трапіў у склад мінскага «Лакаматыва». Па выніках чэмпіянату ў Першай лізе 2004 года «Лакаматыў» атрымаў права выступаць у Вышэйшай лізе, а Сяргей стаў адным з найлепшых бамбардзіраў клуба.

У 2006 годзе Крывец перайшоў у БАТЭ, у складзе якога наступныя 4 гады запар станавіўся чэмпіёнам Беларусі. Сяргей Крывец — аўтар першага гала, забітага беларускімі клубамі ў асноўнай сетцы Лігі чэмпіёнаў (БАТЭ — «Ювентус» 2:2, Мінск, 30 верасня 2008 года). У 2009 годзе па выніках апытання, якое праводзілася газетай «Прессбол», Сяргей быў прызнаны найлепшым футбалістам чэмпіянату.

У снежні 2009 года Крывец перайшоў у польскі «Лех» з Познані. «Лех» у сезоне 2009/10 стаў чэмпіёнам Польшчы. Сяргей правёў 13 матчаў і забіў 3 галы. У ліпені 2012 года перайшоў у клуб «Цзянсу Сайнці» з кітайскага горада Нанкін [4], дзе спачатку трывала гуляў у аснове, але з мая 2013 года перастаў з’яўляцца на полі.

У ліпені 2013 года вярнуўся ў БАТЭ, падпісаўшы трохгадовы кантракт[5]. 23 ліпеня 2013 года ў адказным матчы другога кваліфікацыйнага раўнда Лігі чэмпіёнаў супраць карагандзінскага «Шахцёра» не забіў пенальці, у выніку БАТЭ саступіў 0:1 і вылецеў з розыгрышу Лігі чэмпіёнаў. Пазней у чэмпіянаце Беларусі тройчы аформіў дубль у браму салігорскага «Шахцёра», дзякуючы чаму БАТЭ здолеў перагнаць гэты клуб і атрымаць чарговае чэмпіёнства.

У сезоне 2014 Сяргей стаў выступаць на пазіцыі левага ўскрайняга нападніка. Неўзабаве ён узначаліў як спіс найлепшых бамбрадзіраў, так і спіс найлепшых асістэнтаў чэмпіянату. Дапамог БАТЭ прайсці ў групавы этап Лігі чэмпіёнаў 2014/15: 5 жніўня 2014 года ў адказным матчы трэцяга кваліфікацыйнага раўнда супраць «Дэбрэцэна» на другой дададзенай хвіліне забіў гол, які вывеў БАТЭ ў раўнд плэй-оф.

28 жніўня 2014 года перайшоў у французскі клуб «Мец»[6]. Спачатку трывала гуляў у аснове, 20 верасня 2014 года забіў свой першы гол за «Мец» — у браму «Бастыі» (выніковы лік 3:1). Але потым Сяргей стаў атрымоўваць менш часу на полі, а з сакавіка 2015 года ўвогуле не выхадзіў, нярэдка нават не трапляючы ў заяўку. Па выніках сезона 2014/15 «Мец» страціў месца ў Лізе 1. На наступны сезон Крывец застаўся ў камандзе, аднак у першай палове сезона не выхадзіў на поле. У пачатку 2016 года, пасля змены галоўнага трэнера, стаў трапляць у склад, але замацавацца ў аснове не здолеў. У чэрвені 2016 года датэрмінова разарваў кантракт з «Мецам»[7].

14 ліпеня 2016 года падпісаў аднагадовы кантракт з плоцкай «Віслай», якая вярнулася ў польскую Экстраклясу [8]. Трывала гуляў за аснову «Віслы», толькі ў красавіку 2017 года атрымаў траўму і выбыў да канца сезона 2016/17. У чэрвені 2017 года стала вядома, што «Вісла» не будзе падаўжаць кантракт з Крыўцом і той пакідае клуб[9].

У ліпені 2017 года падпісаў кантракт з польскім футбольным клубам «Арка» (Гдыня) тэрмінам на адзін год з магчымасцю падаўжэння яшчэ на год[10]. Аднак, на полі ў складзе «Аркі» з’яўляўся нерэгулярна, правёў у Экстраклясе ўсяго 10 матчаў.

У чэрвені 2018 года вярнуўся ў Беларусь, стаўшы іграком брэсцкага «Дынама»[11]. У брэсцкай камандзе замацаваўся ў аснове. Сезон 2019 амаль поўнасцю прапусціў з-за траўмы. У 2020 годзе вярнуўся ў аснову, чаргаваў выхады ў стартавым складзе і на замену.

У лютым 2021 года падпісаў кантракт з познаньскім «Лехам», каб далучыцца да рэзервовай каманды «Лех II» з трэцяга дывізіёна Польшчы[12]. У чэрвені 2022 года пакінуў каманду і вырашыў завяршыць кар’еру[13], аднак пазней далучыўся да створанага заўзятарамі клуба «Вяра Леха» з шостага дывізіёна[14].

Міжнародная кар’ера

Выступаў за моладзевую зборную Беларусі на чэмпіянаце Еўропы 2009 у Швецыі.

У нацыянальнай зборнай Беларусі дэбютаваў 2 лютага 2008 года ў таварыскім матчы супраць Ісландыі. У далейшым трывала выклікаўся ў зборную, але пасля пераезду ў Кітай улетку 2012 года перастаў трапляць у асноўную каманду. Пасля вяртання ў БАТЭ дзякуючы добрай гульні ў чэмпіянаце зноў атрымаў выклік у зборную ў кастрычніку 2013 года.

Дасягненні

01 Чэмпіён Беларусі (6): 2006, 2007, 2008, 2009, 2013, 2019
Уладальнік Кубка Беларусі: 2006
Уладальнік Суперкубка Беларусі (2): 2014, 2020
Пераможца Першай лігі чэмпіянату Беларусі: 2004
01 Чэмпіён Польшчы: 2010
Уладальнік Суперкубка Кітая: 2013
У спісе 22 найлепшых футбалістаў чэмпіянату Беларусі: 2007, 2008, 2009, 2013, 2014.
Найлепшы футбаліст чэмпіянату Беларусі: 2009
Найлепшы паўабаронца чэмпіянату Беларусі: 2014
Футбаліст года Беларусі: 2014

Зноскі

↑ Sergey Krivets // Transfermarkt — 2000. Праверана 9 кастрычніка 2017.
↑ Sergey Krivets // FBref.com
↑ 90minut.pl — 2003. Праверана 23 верасня 2022.
↑ Футбол. Сергей Кривец перешел из «Леха» в «Цзянсу Сайнти»
↑ Кривец подписал 3-летний контракт с БАТЭ(недаступная спасылка)
↑ Футбол. Сергей Кривец перешел в «Мец»
↑ Сергей Кривец покинул “Мец”
↑ Сергей Кривец подписал однолетний контракт с “Вислой” из Плоцка
↑ Футбол. Сергей Кривец покидает “Вислу” — польский клуб решил не продлевать контракт с белорусским полузащитником
↑ Сергей Кривец продолжит карьеру в польском клубе “Арка”
↑ Сергей Кривец подписал контракт с брестским “Динамо”
↑ Сергей Кривец подписал контракт с “Лехом-2”
↑ Футбол. Сергей Кривец завершил карьеру футболиста
↑ Чичкан в Тбилиси

Спасылкі

Профіль на афіцыйным сайце БАТЭ (руск.)