wd wp Пошук:
    ⬜

    Селена Гомес

    У Вікіпедыі ёсць артыкулы пра іншых асоб з прозвішчам Гомес.

    Селе́на Мары́ Го́мес (англ.: Selena Marie Gomez[5]; 22 ліпеня 1992 года, Гранд-Прэйры(англ.) бел., Тэхас, ЗША) — амерыканская актрыса кіно і агучвання, камедыянтка, спявачка, аўтар песень, ударніца. У кіно праславілася з роляй Алекс Русо з тэлесерыяла «Чараўнікі з Вэйверлі Плэйс» (2007), за якую атрымала такія прэміі як «Kids’ Choice Awards» (2009, 2010) і «ALMA Award» (2009).

    З 2009 года — вакалістка паспяховай поп-рок групы «Selena Gomez & the Scene».

    Вядомая сваёй дабрачыннай дзейнасцю. Яна з’яўляецца паслом добрай волі ЮНІСЕФ, стаўшы ў 2009 годзе самым юным членам фонду за ўсю яго гісторыю. Часопіс People назваў Селену Гомес чалавекам года 2020[6].

    Біяграфія

    Селена Мары Гомес нарадзілася 22 ліпеня 1992 года ў Гранд-Прэйры(англ.) бел. (штат Тэхас, ЗША) у сям’і Мэндзі Карнет і Рыкарда Гомеса. Бацька Селены — лацінаамерыканец, а маці мае італа-англійскае паходжанне[7]. Сваё імя Гомес атрымала ў гонар папулярнай у тыя гады спявачкі Селены[8]. Калі ёй было 5 гадоў, бацькі развяліся. Маці, тэатральная актрыса, адна выхоўвала дачку і натхніла яе сваім прыкладам на выбар артыстычнай дзейнасці. У 2006 годзе яе маці Мэндзі выйшла замуж за Браяна Ціфі[9]. У маі 2010 года Селена атрымала дыплом пра скончаную дома сярэднюю адукацыю [10].

    Кар’ера

    Гомес вядомая па фільмах і серыялам «Чараўнікі з Вэйверлі Плэйс», «Яшчэ адна гісторыя пра Папялушку», «Праграма абароны прынцэс», «Хана Мантана», «Дзеці шпіёнаў 3: Гульня скончана» і па іншых.

    У 2009 годзе выйшаў поўнаметражны фільм па серыяле «Чараўнікі з Вэйверлі Плэйс» пад назвай «Чараўнікі з Вэйверлі Плэйс у кіно».

    Да свайго ўдзелу ў дыснэеўскіх фільмах яна сыграла адну з дзіцячых роляў у дзіцячым тэлевізійным шоу «Барні і сябры». Там яна здымалася са сваёй даўняй сяброўкай — Дэмі Лавата.

    У 2008 годзе яна падпісала кантракт са студыяй Hollywood Records і ўнесла свой музычны ўклад у мультфільм «Феі», фільмы «Яшчэ адна гісторыя пра Папялушку», «Праграма абароны прынцэс» і серыял «Чараўнікі з Вэйверлі Плэйс». Разам са сваёй групай «Selena Gomez & the Scene» выпусціла свой дэбютны альбом «Kiss & Tell», які выйшаў у ЗША у верасні 2009 года.

    Адна з яе песень «One and the same» патрапіла ў альбом «Pop it, rock it», куды ўвайшлі песні Майлі Сайрус, Эмілі Осмент, саўндтрэкі і іншыя песні.

    У 2010 годзе Селена сыграла галоўныя ролі ў фільмах «Рамона і Бізус»[11][12] і «Монтэ-Карла»[11][12].

    Таксама ў 2010 годзе агучыла прынцэсу Селенію ў фільме Люка Бесона «Артур і вайна двух светаў».

    Была запрошанай зоркай у серыял «Дайце Сані шанец» на 13-ю серыю 1 сезону.

    Грамадская дзейнасць

    Ажыццяўляе дабрачынную дзейнасць у падтрымаю фонду ЮНІСЕФ, стаўшы ў 2009 годзе самым юным членам фонду за ўсю яго гісторыю. Выступала ў якасці абаронцы псіхічнага здароўя, расавай роўнасці і бодзіпазітыву. Актыўна падтрымлівала рух Black Lives Matter («Жыццё чарнаскурых мае значэнне») і адкрыта распавядала пра сваю барацьбу з дэпрэсіяй і трывожнасцю. Акрамя таго, Селена Гомес у 2020 годзе выказвалася аб палітычнай сітуацыі ў ЗША і ўпершыню прагаласавала на выбарах прэзідэнта[13].

    Асабістае жыццё

    У 12 гадоў, у адпаведнасці з распаўсюджанай у Штатах традыцыяй Селена надзела «кольца бязгрэшнасці»[14], што азначае, што яна дала абяцанне захоўваць нявіннасць да вяселля[15]; па паведамленнях на вясну 2011 года, Гомес зняла кольца[16].

    Гомес распавядае пра сваю вялікую любоў да жывёл, у яе доме жывуць 5 сабак.

    У студзені 2011 года Гомес пачала атрымліваць пагрозы пра забойства праз Twitter ад прыхільніц Джасціна Бібера, пасля таго, як тыя ўбачылі фатаграфіі, дзе Селена і Джасцін цалуюцца[17].

    10 чэрвеня 2011 года Селена была экстрана шпіталявана са млоснасцю і жудаснымі галаўнымі болямі пасля ўдзелу ў шоу «The Tonight Show»[18]. 13 чэрвеня 2011 года было паведамлена, што прычынай хваробы Гомес сталі фізічнае знясіленне і харчовае атручванне[19].

    Дыскаграфія

    Назва Дата выхаду US
    Billboard 200
    Kiss & Tell 29 верасня 2009 4
    A Year Without Rain 21 верасня 2010
    When the Sun Goes Down 28 чэрвеня 2011
    Stars Dance 19 ліпеня 2013
    Revival 9 кастрычніка 2015

    Узнагароды і намінацыі

    Зноскі

    1. ↑ Selena Gomez // Encyclopædia Britannica Праверана 9 кастрычніка 2017.
    2. ↑ Selena Gomez // Nederlandse Top 40 Праверана 9 кастрычніка 2017.
    3. ↑ Selena Gomez // Store norske leksikon — 1978. — ISSN 2464-1480
    4. ↑ https://www.eastbaytimes.com/2008/02/07/selena-gomez-could-be-next-disney-it-girl/ Праверана 11 лютага 2021.
    5. ↑ Selena Gomez an IMDb
    6. ↑ people.com
    7. ↑ Selena Gomez and Jake T. Austin on being latin Архівавана 25 снежня 2010.
    8. ↑ Selena Gomez’s Famous Name (нявызн.). E!Online.com (22 жніўня 2008). Архівавана з першакрыніцы 25 мая 2012. Праверана 5 лістапада 2009.
    9. ↑ Michelle Tan Is Selena Gomez… the Next Miley Cyrus? (нявызн.). People.com (1 мая 2008). Праверана 5 лістапада 2009.
    10. ↑ Selena Gomez Graduates High School — On Screen & Off | Access Hollywood — Celebrity News, Photos & Videos. Access Hollywood (2010-05-12). Retrieved on 2010-11-17.
    11. 1 2 Vena, Jocelyn Selena Gomez To Star In ‘Ramona and Beezus’ Movie (нявызн.). MTV.com (6 лютага 2009). Праверана 21 кастрычніка 2009.
    12. 1 2 Kilday, Gregg Young actresses cast for ‘Beezus and Ramona’ (нявызн.). Reuters.com (5 лютага 2009). Праверана 21 кастрычніка 2009.
    13. ↑ nn.by
    14. ↑ Purity for Selena Gomez A Personal Promise to God, Not A Trend (нявызн.) (недаступная спасылка). The Insider. Архівавана з першакрыніцы 28 лютага 2009. Праверана 6 жніўня 2009.
    15. ↑ BFFs Selena Gomez & Demi Lovato Show Off Their Furry Best Pals (нявызн.). PeoplePets.com (18 чэрвеня 2009). Праверана 6 жніўня 2009.
    16. ↑ Селене Гомес надакучыў Джасцін Бібер Архівавана 7 чэрвеня 2011.
    17. ↑ Jessica Derschowitz Selena Gomez Receives Death Threats Over Justin Bieber Photos (нявызн.). CBS News (4 студзеня 2011). Архівавана з першакрыніцы 21 ліпеня 2012. Праверана 5 студзеня 2011.
    18. ↑ Селена Гомес цяжарная? Архівавана 21 лістапада 2011.
    19. ↑ Selena Gomez «In and Out» of Hospital Over the Weekend, but «Feeling Stronger»

    Спасылкі

    q: Селена Гомес у Вікіцытатніку
    commons: Селена Гомес на Вікісховішчы
    Тэмы гэтай старонкі (22):
    Катэгорыя·Вікіпедыя·Артыкулы з пераазначэннем значэння з Вікідадзеных
    Катэгорыя·Дзеці-акцёры ЗША
    Катэгорыя·Паслы добрай волі ЮНІСЕФ
    Катэгорыя·Карыстальнікі Twitter
    Катэгорыя·Вікіпедыя·Спасылка на Вікісховішча непасрэдна ў артыкуле
    Катэгорыя·Ударнікі ЗША
    Катэгорыя·Рок-музыканты ЗША
    Катэгорыя·Вікіпедыя·Артыкулы са спасылкамі на элементы Вікідадзеных без беларускага подпісу
    Катэгорыя·Поп-музыканты ЗША
    Катэгорыя·Нарадзіліся ў Тэхасе
    Катэгорыя·Карыстальнікі Myspace
    Катэгорыя·Нарадзіліся ў 1992 годзе
    Катэгорыя·Акцёры агучвання ЗША
    Катэгорыя·Жаночы вакал у рок-музыцы
    Катэгорыя·Нарадзіліся 22 ліпеня
    Катэгорыя·Вікіпедыя·Старонкі з неадназначнымі геаланцужкамі
    Катэгорыя·Вікіпедыя·Артыкулы з крыніцамі з Вікідадзеных
    Катэгорыя·Вікіпедыя·Біяграфіі сучаснікаў
    Катэгорыя·Старонкі з няправільным сінтаксісам спасылак на крыніцы
    Катэгорыя·Комікі ЗША
    Катэгорыя·Акцёры тэлебачання ЗША
    Катэгорыя·Асобы