У Вікіпедыі ёсць артыкулы пра іншых асоб з прозвішчам Кун.
Рыхард Іаган Кун (ням.: Richard Johann Kuhn; 3 снежня 1900, Вена — 31 ліпеня 1967, Гайдэльберг) — нямецкі хімік і біяхімік.
Вучыўся (1919—1922) і працаваў у Мюнхене ў Р. Вільштэтэра. З 1926 года прафесар у Вышэйшай тэхнічнай школе і дырэктар Хімічнага інстытута ў Цюрыху. З 1928 года прафесар Гайдэльбергскага ўніверсітэта і кіраўнік хімічнага аддзяленні ў інстытуце Макса Планка.
Усталяваў будову і ажыццявіў сінтэз шматлікіх прыродных рэчываў (у тым ліку каля 300 раслінных пігментаў). Вывучаў сувязь хімічнай будовы ненасычаных злучэнняў з іх фізічнымі (аптычнымі, магнітнымі і дыэлектрычнымі) ўласцівасцямі. У 1944 годзе сінтэзаваў баявое атрутнае рэчыва заман.
Нобелеўская прэмія па хіміі (1938) за працы па каратыноідах і вітамінах.