wd wp Пошук:
    ⬜

    Роберт Ферчгат

    Роберт Фрэнсіс Ферчгат або Фурхгат[13] (англ.: Robert Francis Furchgott, 4 чэрвеня 1916, г. Чарлстан, ЗША — 19 мая 2009, г. Сіэтл, ЗША) — амерыканскі вучоны ў галіне фармакалогіі, лаўрэат Нобелеўскай прэміі па фізіялогіі і медыцыне ў 1998 годзе разам з Л. Дж. Ігнарам і Ф. Мурадам «за адкрыццё ролі аксіду азоту як сігнальнай малекулы ў рэгуляцыі сардэчна-сасудзістай сістэмы».

    Біяграфія

    Ферчгат нарадзіўся ў Чарлстане, штат Паўднёвая Караліна, у сям’і Артура Ферчгата (снежань 1884 - студзень 1971), які быў уладальнікам універмага, і Пены (Sorentrue) Ферчгат.

    Скончыў універсітэт Паўночнай Караліны ў Чэпел-Хіле ў 1937 годзе і Паўночна-Заходні ўніверсітэт у Чыкага ў 1940 годзе. З 1940 года ў Медыцынскім каледжы Корнелскага ўніверсітэта, з 1949 года ў Вашынгтонскім універсітэце. У 1956-1988 гадах у Медыцынскім цэнтры Дзяржаўнага ўніверсітэта Нью-Ёрка (г. Бруклін),[14] з 1989 года прафесар Медыцынскай школы ўніверсітэта г. Маямі.

    У 1978 годзе Ферчгат адкрыў рэчыва ў эндатэліяльных клетках, якое выклікае рэлаксацыю крывяносных сасудаў, або эндатэліяльны фактар рэлаксацыі. Да 1986 года ён вывучыў прыроду гэтага агента і механізм яго дзеяння. Ён выявіў, што адкрыты ім фактар рэлаксацыі ёсць не што іншае як аксід азоту (NO), важны кампанент фізіялогіі сардэчна-сасудзістай сістэмы. Гэта даследаванне было важным у тлумачэнні дзеяння Віягры і іншых медыцынскіх і звязаных са здароўем праблем.

    Аўтар навуковых прац па механізмах уздзеяння аксіду азоту ў кардыяваскулярнай сістэме, метабалізме макраэргічных злучэнняў у гладкіх мышцах.

    Распрацаваў тэорыю рэцэптарнага ўзаемадзеяння, склаў класіфікацыю адрэнарэцэптараў.

    Ферчгат, які быў яўрэем,[15] пражыў большую частку свайго жыцця ў Вудмеры (англ.: Woodmere), Нью-Ёрк (Лонг-Айлэнд). Ён быў жанаты на Леноры Мандельбаум (люты 1915 - красавік 1983)[16] з 1941 года да яе смерці ва ўзросце 68 гадоў. У іх было тры дачкі: Джэйн, Сьюзэн і Тэры. Яго дачка, Сьюзэн, была плённай мастачкай у контракультуры Сан-Францыска і сузаснавальніцай Kerista Commune. Роберт Ферчгат пазней пабраўся шлюбам з Маргарэт Галахер Рот, якая памерла 14 сакавіка 2006 года.[17]

    Ферчгат памёр 19 мая 2009 года[18] ў Сіэтле.

    Узнагароды

    Гл. таксама

    Зноскі

    1. ↑ Robert F. Furchgott // Encyclopædia Britannica Праверана 9 кастрычніка 2017.
    2. ↑ Robert F. Furchgott // SNAC — 2010. Праверана 9 кастрычніка 2017.
    3. ↑ Нямецкая нацыянальная бібліятэка, Берлінская дзяржаўная бібліятэка, Баварская дзяржаўная бібліятэка і інш. Record #140934863 // Агульны нарматыўны кантроль — 2012—2016. Праверана 11 снежня 2014.
    4. ↑ Robert F. Furchgott dies at 92; scientist won Nobel Prize // Los Angeles Times — LA: 2009. — ISSN 0458-3035; 2165-1736
    5. ↑ Robert Furchgott, Nobelist for Work on a Gas, Dies at 92 // The New York Times / D. Baquet — Manhattan, NYC: The New York Times Company, A. G. Sulzberger, 2009. — ISSN 0362-4331; 1553-8095; 1542-667X
    6. ↑ Life In Legacy - Week ending Saturday, May 23, 2009
    7. ↑ Snyder S. H. Obituary: Robert Furchgott (1916-2009). // Nature / M. Skipper — NPG, Springer Science+Business Media, 2009. — Vol. 460, Iss. 7251. — P. 47. — ISSN 1476-4687; 0028-0836 — doi:10.1038/460047A
    8. ↑ Ritter J. M. Endothelial progenitor cells & translational research // Br. J. Clin. Pharmacol. — Wiley-Blackwell, 2009. — Vol. 68, Iss. 4. — P. 477–479. — ISSN 0306-5251; 1365-2125 — doi:10.1111/J.1365-2125.2009.03538.X
    9. ↑ http://www.nndb.com/org/290/000161804/
    10. ↑ http://www.nndb.com/people/159/000134754/
    11. ↑ Zhang X. Real time and in vivo monitoring of nitric oxide by electrochemical sensors–from dream to reality. // Front Biosci — Frontiers in Bioscience, 2004. — Vol. 9. — P. 3434–3446. — ISSN 1093-4715; 1093-9946; 1094-3935 — doi:10.2741/1492
    12. ↑ NNDB — 2002.
    13. ↑ Паводле БЭ
    14. ↑ Solomon H. Snyder: Robert Furchgott (1916–2009). Nobel laureate who pioneered research into nitric oxide. Nature, Band 460, 2009, S. 47
    15. ↑ American Jewish Recipients of the Nobel Prize
    16. ↑ Social Security Death Index
    17. ↑ http://query.nytimes.com/gst/fullpage.html?res=9800E1DB143AF934A25750C0A9609C8B63 The New York Times
    18. ↑ http://www.downstate.edu

    Літаратура

    Спасылкі

    commons: Роберт Ферчгат на Вікісховішчы
    Тэмы гэтай старонкі (20):
    Вучоныя паводле алфавіта
    Нарадзіліся ў 1916 годзе
    Памерлі ў Сіэтле
    Выпускнікі Паўночна-Заходняга ўніверсітэта
    Памерлі 19 мая
    Вікіпедыя:Спасылка на Вікісховішча непасрэдна ў артыкуле
    Памерлі ў 2009 годзе
    Лаўрэаты міжнароднай прэміі Гайрднера
    Вікіпедыя:Артыкулы з пераазначэннем значэння з Вікідадзеных
    Нарадзіліся ў Паўднёвай Караліне
    Члены Амерыканскай акадэміі мастацтваў і навук
    Біяхімікі ЗША
    Асобы
    Вікіпедыя:Артыкулы з вікі-разметкай у малюнку карткі
    Лаўрэаты Нобелеўскай прэміі паводле алфавіта
    Лаўрэаты прэміі Альберта Ласкера за фундаментальныя медыцынскія даследаванні
    Нарадзіліся 4 чэрвеня
    Лаўрэаты Нобелеўскай прэміі па медыцыне
    Члены і члены-карэспандэнты Нацыянальнай акадэміі навук ЗША
    Вікіпедыя:Артыкулы з крыніцамі з Вікідадзеных