Праклён Крусібла (англ.: Crucible curse) — неафіцыйны тэрмін, паняцце якога спасылаецца на той факт, што ні адзін гулец у снукер, які выйграў чэмпіянат свету ў першы раз, не здолеў абараніць свой тытул з тых часоў, як галоўны турнір сезона праходзіць у Тэатры Крусібл ў Шэфілдзе (з 1977 года).[1][2][3][4] Апошнім чэмпіёнам свету, які паспяхова абараніў свой першы тытул, стаў Джон Палмэн у 1964 годзе, калі чэмпіёны свету вызначаліся ў выніку чэлендж-матчаў.[5]
Ніжэй прадстаўлена табліца з гульцамі, якія не здолелі абараніць свой дэбютны тытул чэмпіёна свету. З 16 гульцоў, якія выйгралі свой першы чэмпіянат свету ў Крусібле, шасцёра саступілі ў першым раўндзе ў наступным годзе (Тэры Грыфітс у 1980, Стыў Дэвіс у 1982, Дэніс Тэйлар у 1986, Грэм Дот у 2007, Ніл Робертсан у 2011 і Сцюарт Бінэм у 2016) і толькі двое здолелі дайсці да фіналу ў якасці дзеючых чэмпіёнаў (Джо Джонсан ў 1987 і Кен Доэрці ў 1998).
Год[5] | Дзеючы чэмпіён[5] | Раўнд | Лік | Сапернік | Зноска |
---|---|---|---|---|---|
1980 | Тэры Грыфітс | Другі раўнд[пр 1] | 10-13 | Стыў Дэвіс | [6] |
1981 | Кліф Торбурн | Паўфінал | 10-16 | Стыў Дэвіс | [7] |
1982 | Стыў Дэвіс | Першы раўнд | 1-10 | Тоні Ноўлз | [8] |
1986 | Дэніс Тэйлар | Першы раўнд | 6-10 | Майк Халет | [9] |
1987 | Джо Джонсан | Фінал | 14-18 | Стыў Дэвіс | [10] |
1991 | Стывен Хендры | Чвэрцьфінал | 11-13 | Стыў Джэймс | [11] |
1992 | Джон Пэрат | Чвэрцьфінал | 12-13 | Алан МакМанус | [12] |
1998 | Кен Доэрці | Фінал | 12-18 | Джон Хігінс | [13] |
1999 | Джон Хігінс | Паўфінал | 10-17 | Марк Уільямс | [14] |
2001 | Марк Уільямс | Другі раўнд | 12-13 | Джо Свэйл | [15] |
2002 | Роні О'Саліван | Паўфінал | 13-17 | Стывен Хендры | [16] |
2003 | Пітэр Эбдан | Чвэрцьфінал | 12-13 | Пол Хантэр | [17] |
2006 | Шон Мёрфі | Чвэрцьфінал | 7-13 | Пітэр Эбдан | [18] |
2007 | Грэм Дот | Першы раўнд | 7-10 | Ян МакКалах | [19] |
2011 | Ніл Робертсан | Першы раўнд | 8-10 | Джад Трамп | [20] |
2015 | Марк Сэлбі | Другі раўнд | 9-13 | Энтані Мак-Гіл | [21] |
2016 | Сцюарт Бінэм | Першы раўнд | 9-10 | Алістэр Картэр | [22] |
У той жа час, тытул выйгравалі гульцы, якія ўжо былі чэмпіёнамі свету, і, такім чынам, «праклён» не дзейнічаў на іх. Чацвёра гульцоў выйгравалі некалькі тытулаў запар: Стыў Дэвіс (1983—1984 і 1987—1989), Стывен Хендры (1992—1996), Роні О’Саліван (2012—2013) і Марк Сэлбі (2016—2017), але толькі пасля таго, як яны станавіліся ахвярай «праклёну».[5][23]
Яшчэ да таго, як чэмпіянат свету быў перанесены ў тэатр Крусібл, ні адзін гулец у сучаснай снукернай эпосе, які выйграў свой першы тытул, не здолеў абараніць яго ў наступным розыгрышы. Толькі тром снукерыстам удавалася абараніць свой дэбютны чэмпіёнскі тытул: Джо Дэвісу ў 1928 годзе, яго брату Фрэду ў 1949 і Джону Палмэну ў першым чэлендж-матчы ў 1964 годзе. Акрамя таго, Рэй Рыярдан, Алекс Хігінс і Джон Спэнсэр, якія выйгравалі свой першы сусветны чэмпіянат яшчэ да Крусібла, цярпелі няўдачу пры спробе абароны свайго тытула.
Год[5] | Дзеючы чэмпіён[5] | Раўнд | Лік | Супернік | Зноска |
---|---|---|---|---|---|
1970 | Джон Спэнсэр | Паўфінал | 33-37 | Рэй Рыярдан | [24] |
1971 | Рэй Рыярдан | Паўфінал | 15-34 | Джон Спэнсэр | [25] |
1973 | Алекс Хігінс | Паўфінал | 9-23 | Эдзі Чарльтан | [26] |