Мікашэ́вічы[2] (трансліт.: Mikaševičy) — горад раённага падпарадкавання ў Лунінецкім раёне Брэсцкай вобласці Беларусі, на р. Волхва. Чыгуначная станцыя на лініі Лунінец—Калінкавічы. Рачны порт на Мікашэвіцкім канале. За 54 км ад Лунінца, 282 км ад Брэста. Насельніцтва 12 693 чал. (2017)[3].
У 1796 годзе ў мястэчку дзейнічала Мікашэвіцкая жалезаапрацоўчая мануфактура. З XIX стагоддзя вёска Ленінскай воласці Мазырскага павета. З часу пракладу Палескіх чыгунак — мястэчка і станцыя. З 1921 года ў складзе Польшчы, з 1939 года ў БССР. З 1940 года рабочы пасёлак у Ленінскім раёне Пінскай вобласці (з 1954 у Брэсцкай вобласці), у 1950—1960 гадах цэнтр Ленінскага раёна, з 1960 года ў Лунінецкім раёне, з 2005 года горад[4][5]. 8 сакавіка 1956 года ў склад рабочага пасёлка Мікашэвічы ўключана вёска Рудня[6].
25 жніўня 2005 года Мікашэвіцкі пассавет рэарганізаваны ў гарсавет. 27 красавіка 2006 года ў адміністрацыйнае падпарадкаванне Мікашэвіцкаму гарсавету перададзены вёскі Ваган, Вільча, Града, Запроссе, Моршчынавічы, Пясчанікі і Сітніца[7]. 10 сакавіка 2017 года ўсе вёскі перададзены ў склад Сінкевіцкага сельсавета[8].
|
Прадпрыемствы будаўнічых матэрыялаў (РУВП «Граніт»), харчовай прамысловасці. Гасцініца.
На Вікісховішчы ёсць медыяфайлы па тэме Мікашэвічы
Геаграфічныя звесткі па тэме Мікашэвічы на OpenStreetMap