wd wp Пошук: ⬜

Маруна пахучая

Мару́на пахучая[3], дзяра́чка[3] (Galium odoratum) — кветкавая расліна роду Маруна (Galium) сямейства Марэнавыя (Rubiaceae).

Батанічнае апісанне

Шматгадовая травяністая расліна вышынёй 20—30[3] см з тонкім паўзучым карэнішчам і з пахам кумарыну. Сцябло прамастойнае, голае, чатырохграннае. Лісце простае, суцэльнае, сядзячае, шурпатае па краі, у кальчаках (ніжняе па 6, верхняе — па 8). Каля асновы кальчакоў маецца кольца са шчацінак. Кветкі белага колеру, з чатырма пялёсткамі, у шышкападобных мяцёлках. Плод — падвойны арэшак з кручкападобнымі шчацінкамі.

Расліна ядавітая[3].

Распаўсюджанне і экалогія

Расліна распаўсюджана ва ўмераных зонах Еўропы і Азіі, таксама ў Алжыры [4]. Расце ў цяністых лясах, зарасніках, парках і садах на вільготных глебах. Мезафіт, мезатроф, эўтроф [5].

Ахоўваецца на тэрыторыі шэрагу рэгіёнаў Расіі [5][6].

Гаспадарчае значэнне

Лекавая, меданосная і дэкаратыўная расліна.

Зноскі

↑ Ужываецца таксама назва Пакрытанасенныя.
↑ Пра ўмоўнасць аднясення апісанай у гэтым артыкуле групы раслін да класа двухдольных гл. артыкул «Двухдольныя».
1 2 3 4 Энцыклапедыя прыроды Беларусі. У 5-і т. Т. 2. Гатня — Катынь / Рэдкал. І. П. Шамякін (гал. рэд.) і інш. — Мн.: БелСЭ ім. Петруся Броўкі, 1983. — 522 с. — 10 000 экз.
↑ Galium odoratum (L.) Scop. // Plants of the World Online — Kew Science (англ.)
1 2 Подмаренник душистый: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)
↑ Galium odoratum (L.) Scop. // ИАС «ООПТ России» (руск.)

Літаратура

Дзярачка, маруна пахучая // Энцыклапедыя прыроды Беларусі. У 5-і т. Т. 2. Гатня — Катынь / Рэдкал. І. П. Шамякін (гал. рэд.) і інш. — Мн.: БелСЭ ім. Петруся Броўкі, 1983. — 522 с. — 10 000 экз. — С. 185.

Спасылкі

Подмаренник душистый: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)
Galium odoratum (L.) Scop. // ИАС «ООПТ России» (руск.)
Galium odoratum (L.) Scop. // Plants of the World Online — Kew Science (англ.)