Мару́на, або Павіліца[3] (Gálium) — род кветкавых раслін сямейства Марэнавыя (Rubiaceae), распаўсюджаных па ўсім свеце.
Агульная колькасць відаў — каля чатырохсот[4].
Аднагадовыя, двухгадовыя і шматгадовыя травяністыя расліны (зрэдку паўкусты) вышынёй да 1,3[5] м. Сцёблы раслін чатырохгранныя або круглыя, шурпатыя ці гладкія. Лісце суцэльнае, па 4—14[5] у несапраўдных кальчаках. Кветкі дробныя, белага, жоўтага ці ружовага колеру, сабраныя ў канцавыя або пазушныя паўпарасонікі. Плод — арэшак.
Некаторыя віды — лекавыя расліны. Многія віды — пустазелле. Меданосныя расліны[6].