wd wp Пошук: ⬜

Леанід Сямёнавіч Сукаватых

У Вікіпедыі ёсць артыкулы пра іншых асоб з прозвішчам Сукаватых. Леанід Сямёнавіч Сукава́тых[1] (руск.: Леонид Семёнович Суковатых; 8 снежня 1930 — 12 кастрычніка 1976) — вучоны ў галіне анкалогіі, радыялогіі і хірургіі, доктар медыцынскіх навук (1972), прафесар (1972).

Біяграфія

Нарадзіўся ў гарадскім пасёлку Калпна (Арлоўская вобласць Расіі). У 1955 годзе скончыў Ваенна-медыцынскую акадэмію імя С. М. Кірава ў Ленінградзе і працаваў у ёй да 1962 года старэйшым ардынатарам, малодшым выкладчыкам радыеанкалагічнага аддзялення клінікі факультэцкай хірургіі. З 1962 года ў Беларускім навукова-даследчым інстытуце анкалогіі і медыцынскай радыялогіі (сучасны Рэспубліканскі навукова-практычны цэнтр анкалогіі і медыцынскай радыялогіі імя Н. Н. Аляксандрава), кіраваў аддзяленнем радыеізатопных і хірургічных метадаў лячэння.

Жонка: Таццяна Мікалаеўна Сукаватых (нар. 1932) — вучоны ў галіне педыятрыі і алергалогіі, доктар медыцынскіх навук, прафесар.

Навковая дзейнасць

Займаўся пытаннямі радыеізатопных і хірургічных метадаў лячэння, інтэнсіўнай тэрапіі ў анкалогіі. Распрацаваў метад лячэння злаякасных пухлін страўніка і кішэчніка радыеактыўным калоідным растворам.

Сярод апублікаванага:

Радиохирургическое лечение злокачественных опухолей брюшной полости с использованием радиоактивного коллоидного золота (Au¹⁹⁸) : автореферат дис. на соискание ученой степени доктора медицинских наук (14.777) / Суковатых Леонид Семёнович; [Место защиты: Акад. мед. наук СССР]. — Москва, 1970. — 46 с.

Зноскі

↑ Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 2002. — Т. 15: Следавікі — Трыо.

Літаратура

Сукаватых Леанід Сямёнавіч // Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 2002. — Т. 15: Следавікі — Трыо. — 552 с. — 10 000 экз. — ISBN 985-11-0251-2 (т. 15), ISBN 985-11-0035-8. — С. 258.

Спасылкі

Суковатых, Леонид Семенович (доктор медицинских наук; 1930—1976)(недаступная спасылка)(руск.) // Нацыянальная бібліятэка Беларусі
История медицины Беларуси. Суковатых Леонид Семёнович(руск.) // Сайт Слонімскага дзяржаўнага медыцынскага каледжа