Зборная Ямайкі па футболе (англ.: Jamaica national football team) — нацыянальная зборная Ямайкі, якая прадстаўляе гэту краіну ў міжнародных спаборніцтвах. Знаходзіцца пад кіраваннем Футбольнай федэрацыі Ямайкі. Каманда ўсяго адзін раз удзельнічала ў фінальнай частцы чэмпіянату свету (у 1998 годзе), але дзякуючы гэтаму выступу набыла мноства заўзятараў па ўсім свеце. Зборная Ямайкі шэсць разоў выйгравала Карыбскі кубак (у 1991, 1998, 2005, 2008, 2010 і 2014), двойчы фінішавала ў гэтым спаборніцтве другой і яшчэ двойчы — трэцяй.