XII чэмпіянат свету па футболе сярод мужчын праходзіў з 13 чэрвеня па 11 ліпеня 1982 года ў Іспаніі.
У 1982 чэмпіянат быў пашыраны, у ім сталі прымаць удзел 24 каманды замест 16. Турнір стаў найбольш паспяховым для еўрапейскіх каманд: з 12 каманд, якія прайшлі ў другі групавы этап, было толькі 2 нееўрапейскіх (Аргенціна і Бразілія). Але і яны ў другім групавым этапе саступілі Італіі, і ў паўфіналы вышлі толькі еўрапейскія каманды. Італія прайшла ў фінал, дзе перамагла ФРГ (3:1) і ў трэці раз стала чэмпіёнам свету.