wd wp Пошук: ⬜

Дунша

.mw-parser-output .t-geoinfobox td,.mw-parser-output .t-geoinfobox th{min-width:120px}.mw-parser-output .t-geoinfobox td:only-child,.mw-parser-output .t-geoinfobox th:only-child{text-align:center}.mw-parser-output .t-geoinfobox-name{font-size:110%;padding:2px}.mw-parser-output .t-geoinfobox-nickname{font-style:italic}.mw-parser-output .t-geoinfobox-cave th:only-child,.mw-parser-output .t-geoinfobox-mount th:only-child{background:#e7dcc3}.mw-parser-output .t-geoinfobox-surface th:only-child{background:#ffe4c4}.mw-parser-output .t-geoinfobox-blue th:only-child,.mw-parser-output .t-geoinfobox-water th:only-child{background:#c0daff}.mw-parser-output .t-geoinfobox-underwater th:only-child{background:#b0e0e6}.mw-parser-output .t-geoinfobox-green th:only-child{background:#d0f0c0}.mw-parser-output .t-geoinfobox-tomb th:only-child{background:#bbbbbb}.mw-parser-output .t-geoinfobox-yellow th:only-child{background:#fdeaa8}.mw-parser-output .t-geoinfobox-ny th:only-child{background:#cbd5c4;border:1px solid #aaaaaa}.mw-parser-output .t-geoinfobox-ny th:first-child:not(:only-child){background:#cbd5c4;text-align:right;padding:0 0.5em}.mw-parser-output .t-geoinfobox-grey th:only-child{background:#eaecf0}

Дунша (кіт.: 東沙島), або Пратас (кіт.: 東沙群島) — каралавы атол на поўначы Паўднёва-Кітайскага мора. Уваходзіць у склад Тайваня. На атол таксама прэтэндуе Кітайская Народная Рэспубліка. Агульная плошча — 1,74 км².

Геаграфія

Атол Дунша месціцца ў 241 км на паўднёвы ўсход ад узбярэжжа кітайскай правінцыі Гуандун, 320 км на паўднёвы ўсход ад Ганконга і ў 426 км на паўднёвы захад ад паўднёвага ўзбярэжжа Тайваня. Уяўляе сабою групу невялікіх астраўкоў і рыфаў, што атачаюць шырокую лагуну (64 га). Сярэдняя тэмпература вагаецца ад 21,7°C у студзені да 29,6°C у ліпені. Сярэднегадавая колькасць ападкаў — 1346,3 мм.

Прырода

Адносна невялікая частка сушы, што ўзвышаецца над узроўнем мора, пакрыта хмызнякамі і дрэвамі. Астатняя суша вельмі нізкая, падчас тайфунаў затапляецца, складаецца з белых пясчаных водмеляў. Найбольш каштоўныя абразчыкі флоры — сунічнае дрэва, какосавая пальма, дзікі шпінат.

Наземная фаўна бедная, прадстаўлена казуркамі, малюскамі і марскімі птушкамі. Значна болей багатая навакольная падводная фаўна. Каралавыя рыфы Дунша насяляюць каля 500 відаў рыб, тут шмат крабаў і ігласкурых.

У 2007 г. атол Дунша быў абвешчаны нацыянальным паркам, яго прырода знаходзіцца пад аховай.

Гісторыя

Лічыцца, што першая пісьмовая ўзгадка пра атол Дунша з’явілася ў XV ст. у запісах экспедыцыі Чжэн Хэ . У 1712 г. ён быў фармальна далучаны да імперыі Цын. У 1860-я гг. брытанская каланіяльная адміністрацыя Ганконга разглядала план анексіі астравоў для будаўніцтва маяка.

Кітайскія рыбакі пачалі асвойваць атол у другой палове XIX ст. Яны здабывалі рыбу і водарасці. Аднак у 1907 г. Дунша быў захоплены японскім прамыслоўцам Нісідзава Ёсіхару, які зруйнаваў пабудовы кітайскіх рыбакоў і збіраўся пачаць здабычу фасфатаў. Толькі пасля двухгадовых дыпламатычных перагавораў улады Гуандуна здолелі выкупіць атол за 150 тысяч срэбраных долараў.

Пасля II Сусветнай вайны Дунша ўвайшоў у склад Тайваня. Тут быў размешчаны ваенны гарнізон. Прысутнасць ваенных захоўваецца нягледзячы на абвяшчэнне атола ў 2007 г. нацыянальным паркам.

Спасылкі