wd wp Пошук: ⬜

Дзядкі пахучыя

Дзядкі́ пахучыя[3], дзядкі высокія (Agrimonia procera) — від кветкавых раслін роду Дзядкі (Agrimonia) сямейства Ружавыя (Rosaceae).

Батанічнае апісанне

Шматгадовая травяністая расліна вышынёй 50—180 см. Сцябло баразнаватае, разам з чаранкамі лісця ўкрытае валаскамі і залозкамі. Лісце чаргаванае, няпарнаперыстае, складзенае з 7—10[3] лісцікаў. Кветкі буйныя, серна-жоўтага колеру, з пяццю пялёсткамі. Суквецце — колас. Плод — арэшак, укрыты шматрадковымі шыпікамі з кручкамі на канцах.

Распаўсюджанне і экалогія

Еўрапейскі від[4]. Расце на ўскрайках лісцевых лясоў і сярод хмызняку. Цвіце ў ліпені—жніўні.

Зноскі

↑ Ужываецца таксама назва Пакрытанасенныя.
↑ Пра ўмоўнасць аднясення апісанай у гэтым артыкуле групы раслін да класа двухдольных гл. артыкул «Двухдольныя».
1 2 Энцыклапедыя прыроды Беларусі. У 5-і т. Т. 2. Гатня — Катынь / Рэдкал. І. П. Шамякін (гал. рэд.) і інш. — Мн.: БелСЭ ім. Петруся Броўкі, 1983. — 522 с. — 10 000 экз.
↑ Germplasm Resources Information Network (GRIN-Taxonomy)(англ.)

Літаратура

Пашына Г. В. Дзядкі // Энцыклапедыя прыроды Беларусі. У 5-і т. Т. 2. Гатня — Катынь / Рэдкал. І. П. Шамякін (гал. рэд.) і інш. — Мн.: БелСЭ ім. Петруся Броўкі, 1983. — С. 184. — 522 с. — 10 000 экз.

Спасылкі

Репешок высокий — Agrimonia procera: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)