Джордж Фулкс, Барон Фулкс з Камнака (англ.: George Foulkes, Baron Foulkes of Cumnock; нар. 21 студзеня 1942, Азуэстры(польск.) бел., Шропшыр, Вялікабрытанія) — шатландскі палітык і сябра Лейбарысцкай партыі.[3][4] Дэпутат Палаты абшчын(укр.) бел. у 1979—2005 гадах, член Палаты лордаў(укр.) бел. і Таемнай рады Вялікабрытаніі(укр.) бел. з 2005 года.
Вучыўся ў гімназіі Кіта(англ.) бел. ў акрузе Морэй(укр.) бел., Галантарэйнай школе для хлопчыкаў Аске(ісп.) бел. ў Хартфардшыры, а затым паступіў у Эдынбургскі ўніверсітэт, дзе вывучаў псіхалогію.[4] З 1965 года Фулкс быў прэзідэнтам Шатландскага саюза студэнтаў(англ.) бел.. У 1974 годзе ён пакінуў пасаду ў сувязі з абраннем у Савет горада Эдынбурга і рэгіянальны савет Лотыяна.[5]
У 2009 годзе балатаваўся на пасаду рэктара Эдынбургскага ўніверсітэта, але не быў абраны, атрымаўшы 31 % галасоў.[6]
Балатаваўся ў Палату абшчын Вялікабрытаніі(укр.) бел. на выбарах 1970 года і кастрычніцкіх выбарах 1974 года, але не быў абраны. Паспяхова балатаваўся ў 1979 годзе, атрымаўшы прамы мандат ад выбарчай акругі Паўднёвы Айршыр(англ.) бел..[7] У канцы склікання выбарчая акруга была распушчана, і Фулкс удзельнічаў у выбарах 1983 года па акрузе Кэрык, Камнак і Дон-Вэлі(англ.) бел.. Ён зноў атрымаў прамы мандат і адстойваў яго на выбарах 1987[8], 1992[9], 1997[10] і 2001 гадоў[10]. У 1997—2001 гадах займаў пасаду намесніка парламенцкага сакратара па міжнародным развіцці[11]. У 2001—2002 гадах займаў пасаду дзяржаўнага сакратара па справах Шатландыі.[5]
У 2005 годзе выбарчая акруга Кэрык, Камнак і Дон-Вэлі(англ.) бел. была распушчана, а Фулкс быў узведзены ў дваранства ў якасці пажыццёвага члена Палаты лордаў Вялікабрытаніі(укр.) бел. з тытулам Барона Фулкса з Камнака з Камнака(англ.) бел. ў Іст-Айршыры(польск.) бел..[5] У тым жа годзе ўведзены ў Таемную раду Вялікабрытаніі(укр.) бел.. З таго часу з’яўляецца членам Палаты лордаў(укр.) бел. і не балатаваўся на ўсеагульных выбарах.[11]
15 студзеня 2021 года ўзяў шэфства над Сцяпанам Латыпавым, беларускім прадпрымальнікам і палітычным зняволеным.[12][13]
На ўсеагульных выбарах у Шатландыі ў 2007 годзе Фулкс балатаваўся ў парламент(балг.) бел.. Ён заняў першае месца ў рэгіянальным выбарчым спісе Лейбарысцкай партыі ў выбарчай акрузе Лаціан(ням.) бел..[4] Па заканчэнні заканадаўчага тэрміну на новы не балатаваўся.[14]
У 2005 годзе Фулкс пакінуў пасаду старшыні шатландскага футбольнага клуба «Харт оф Мідлатыян» і назваў новага ўладальніка клуба Уладзіміра Раманава(руск.) бел. «дыктатарам».[15]
У 2008 годзе Фулкса крытыкавалі за высокія фінансавыя патрабаванні для забеспячэння яго працы ў Палаце лордаў(укр.) бел.. Ён прасіў каля 55000 фунтаў стэрлінгаў кампенсацыі за пражыванне ў Лондане на працягу двух гадоў, хаця ён жыў ва ўласнай лонданскай кватэры.[16][17] У адрозненне ад гэтага яго патрабаванні да парламента Шатландыі(балг.) бел. былі адносна невялікія.[18] У 2009 годзе ў інтэрв’ю ў прамым эфіры «BBC News» на тэму выдаткаў на дэпутатаў і дыскусіі сярод насельніцтва вакол іх Фулкс славесна напаў на вядучага і абвінаваціў СМІ ў жаданні падарваць дэмакратыю.[19]
Пасля таго як Фулкс абвінаваціў Шатландскую нацыянальную партыю ў расізме супраць англічан у 2007 годзе, яе былы лідар Генры Макліш(польск.) бел. запатрабаваў прабачэнняў, але Фулкс адмовіўся іх рабіць.[20]