wd wp Пошук:
    ⬜

    Бедржых Сметана

    У Вікіпедыі ёсць артыкулы пра іншых асоб з прозвішчам Сметана. Бе́држых Сме́тана (чэшск.: Bedřich Smetana, пры хрышчэнні атрымаў імя Фрыдрых, ням.: Friedrich; 2 сакавіка 1824, Літамышль — 12 мая 1884, Прага) — чэшскі кампазітар, піяніст і дырыжор, педагог, музычна-грамадскі дзеяч; заснавальнік чэшскай нацыянальнай кампазітарскай школы.

    Біяграфія

    У 1847 годзе скончыў прыватную школу ў Празе. Вучань І. Прокша. У 1848 годзе адкрыў сваю музычную школу ў Празе, якая пазней стала цэнтрам канцэртнай і асветніцкай дзейнасці прагрэсіўных чэшскіх музыкантаў. З 1856 года выступаў з канцэртамі ў Гётэбаргу (Швецыя) ў якасці піяніста і дырыжора. У 1861 годзе ўзначаліў артыстычнае таварыства «Умелецка бяседа», кіраваў мужчынскім хорам «Глагол Пражскі», пісаў для яго хоры на словы чэшскіх паэтаў, папулярызаваў музыку айчынных і іншых славянскіх кампазітараў. У 1866—1874 гадах дырыжор Нацыянальнага тэатра оперы.

    Творчасць

    Выступаў як музычны крытык. Пачынальнік розных жанраў нацыянальнай оперы і праграмнага сімфанізму. Яго творчасць, заснаваная на народна-песенных інтанацыях і рытмах, вызначаецца яркім нацыянальным каларытам, дэмакратычнасцю, патрыятычнай накіраванасцю, працягвае традыцыі рамантычнага праграмнага сімфанізму Ф. Ліста. Сярод твораў; оперы лірычна-камічная «Прададзеная нявеста» і гераічна-патрыятычная «Брандэнбуржцы ў Чэхіі» (абедзве паст. 1866), трагічная «Далібар» (паст. 1868), «Дзве удавы» (паст. 1874), эпічная «Лібуша» (ласт. 1881); для аркестра — «Трыумфальная сімфонія» (1854), «Урачыстая уверцюра» (1849); сімфанічныя паэмы «Рычард III» (1858), «Лагер Валенштэйна» (1859), «Гакон Ярд» (1861); цыкл з 6 праграмных сімфоній паэм «Мая Радзіма» (1858— 79); 2 струнныя квартэты (1876, 1883), фартэпіянныя трыа, п’есы для фартэпіяна, у т.л. «Чэшскія танцы» (2 сшыткі, 1877, 1879), хоры, песні і інш.

    У Дзяржаўным тэатры оперы і балета Беларусі ў 1949 годзе пастаўлена опера Сметаны «Прададзеная нявеста».

    Памяць

    З 1946 года штогод у дзень смерці Сметаны праводзіцца Міжнародны музычны фестываль «Пражская вясна», які адкрываецца выкананнем яго твораў.

    Зноскі

    1. ↑ Нямецкая нацыянальная бібліятэка, Берлінская дзяржаўная бібліятэка, Баварская дзяржаўная бібліятэка і інш. Record #118615017 // Агульны нарматыўны кантроль — 2012—2016. Праверана 9 красавіка 2014.
    2. 1 2 Bibliothèque nationale de France data.bnf.fr: платформа адкрытых даных — 2011. Праверана 10 кастрычніка 2015.
    3. 1 2 Сметана Бедржих // Большая советская энциклопедия: [в 30 т.] / под ред. А. М. Прохорова — 3-е изд. — М.: Советская энциклопедия, 1969. Праверана 28 верасня 2015.
    4. 1 2 Czech National Authority Database Праверана 23 лістапада 2019.
    5. ↑ Нямецкая нацыянальная бібліятэка, Берлінская дзяржаўная бібліятэка, Баварская дзяржаўная бібліятэка і інш. Record #118615017 // Агульны нарматыўны кантроль — 2012—2016. Праверана 17 кастрычніка 2015.
    6. ↑ Archivio Storico Ricordi — 1808. Праверана 3 снежня 2020.
    7. ↑ BillionGraves — 2011. — ed. size: 125000000

    Літаратура

    Спасылкі

    q: Bedřich Smetana у Вікіцытатніку
    s: Bedřich Smetana у Вікікрыніцах
    commons: Bedřich Smetana на Вікісховішчы
    Тэмы гэтай старонкі (21):
    Нарадзіліся 2 сакавіка
    Глухія кампазітары
    Памерлі ў 1884 годзе
    Нарадзіліся ў Літамышлі
    Вікіпедыя:Спасылка на Вікісховішча непасрэдна ў артыкуле
    Вікіпедыя:Спасылкі на Беларускую энцыклапедыю з назвай артыкула
    Нарадзіліся ў 1824 годзе
    Вікіпедыя:Спасылкі на Беларускую энцыклапедыю з нумарамі старонак
    Вікіпедыя:Спасылкі на Беларускую энцыклапедыю з аўтарам
    Кампазітары Чэхіі
    Музыканты паводле алфавіта
    Оперныя кампазітары
    Дырыжоры Чэхіі
    Асобы
    Музычныя педагогі Чэхіі
    Пахаваныя на Вышаградскіх могілках
    Памерлі ў Празе
    Вікіпедыя:Старонкі з неадназначнымі геаланцужкамі
    Памерлі 12 мая
    Артыкулы са спасылкамі на Вікікрыніцы
    Вікіпедыя:Артыкулы з крыніцамі з Вікідадзеных