International Music Score Library Project (IMSLP, Міжнародны праект бібліятэкі музычных партытур) — вікі-праект, які ставіць сваёй мэтай стварыць музычную бібліятэку, якая будзе змяшчаць усе свабодныя (паводле заканадаўства Канады) партытуры, што перайшлі ў грамадскі здабытак як па даўнасці часу, так і добраахвотна перададзеныя кампазітарамі, якія жадаюць падзяліцца імі са светам.
Праект існуе з 16 лютага 2006 года, быў часова закрыты ў лістападзе 2007 года з-за праблем з аўтарскім правам і зноў адкрыты 30 чэрвеня 2008 года. У бібліятэцы знаходзяцца больш за 49 000 кампазіцый (160 000 партытур) больш чым 7000 кампазітараў (на 13 лютага 2012 года).