Барбаро́ў[2] (трансліт.: Barbaroŭ, руск.: Барбаров) — аграгарадок у Мазырскім раёне Гомельскай вобласці. Адміністрацыйны цэнтр Барбароўскага сельсавета.
Насельніцтва 261 чал. (2004). Знаходзіцца за 27 км на паўднёвы захад ад чыгуначнай станцыі Міхалкі (лінія Калінкавічы — Оўруч), на аўтамабільнай дарозе Мазыр — Нароўля. Рачная прыстань.
Барбароў (Бабічы) — даўняе сяло, пазней мястэчка гістарычнай Мазыршчыны.
Назва Барбароў маёнтку і мястэчку Яна Мікалая Аскеркі нададзена ў гонар ягонай жонкі Барбары з Ракіцкіх. Апісваючы паселішчы Беларускага Палесся, Адам Кіркор зазначыў наяўнасць у мястэчку руінаў вялікага замка з вежамі, валамі і равамі[6]. Замест струхлелай у 1779 годзе тут збудавалі новую драўляную на цагляным падмурку Успенскую царкву (згарэла ад удару маланкі ў 1896 годзе).
У выніку [другога падзелу Рэчы Паспалітай](/Другі_падзел_Рэчы_Паспалітай "Другі падзел Рэчы Паспалітай") ([1793](/1793 "1793")) Барбароў апынуўся ў складзе [Расійскай імперыі](/Расійская_імперыя "Расійская імперыя"), у [Мазырскім павеце](/Мазырскі_павет_(Расійская_імперыя) "Мазырскі павет (Расійская імперыя)") [Мінскай губерні](/Мінская_губерня "Мінская губерня"). Маёнтак, сканфіскаваны ў стражніка польнага літоўскага [Яна Мікалая Аскеркі](/Ян_Мікалай_Аскерка "Ян Мікалай Аскерка") (1735—1796) за ўдзел у паўстаннні 1794 года, перададзены Якаву Сіверсу, з [1808](/1808 "1808") ва ўладанні Андрэя фон Гольста, у 1826 г. маёнтак канчаткова быў набыты спадчыннікамі [Ігната Тадэвушавіча Горвата](/Ігнат_Тадэвушавіч_Горват "Ігнат Тадэвушавіч Горват") і перайшоў па спадчыне ў валоданне яго сына [Аляксандра Ігнатавіча Горвата](/Аляксандр_Ігнатавіч_Горват "Аляксандр Ігнатавіч Горват") (1796—1888). Станам на [1795](/1795 "1795") у Барбарове было 85 двароў, на [1834](/1834 "1834") — 91 двор. У [1821](/1821 "1821") адкрылася школа для дзяцей сялян. На [1833](/1833 "1833") існавалі карчма, 4 вадзяныя млыны і паромная пераправа. У сярэдзіне [XIX ст.](/XIX_стагоддзе "XIX стагоддзе") на беразе ракі сфарміравалася сядзіба — палац (не захаваўся), флігель і пейзажны парк (5 дзесяцінаў). Мелася капліца. У [1863](/1863 "1863") адкрылася школа, якая размяшчалася ў сялянскай хаце. Праз мястэчка праходзілі гасцінцы з [Міхалкаў](/Міхалкі,_Гомельская_вобласць "Міхалкі, Гомельская вобласць") у [Чарнобыль](/Чарнобыль "Чарнобыль") і [Хойнікі](/Хойнікі "Хойнікі"). Паводле вынікаў перапісу ([1897](/1897 "1897")) — 108 двароў, хлебазапасны магазін, 2 крамы. Побач знаходзіліся аднайменныя фальваркі (16 двароў) і сядзіба з броварам. Акрамя земляробства і сплава лесу жыхары займаліся бандарным рамяством.1 студзеня 1919 згодна з пастановай I з’езду КП(б) Беларусі Барбароў увайшоў у склад Беларускай ССР, аднак 16 студзеня Масква адабрала мястэчка разам з іншымі этнічна беларускімі тэрыторыямі ў склад РСФСР. У 1924 Барбароў вярнулі БССР, дзе ён стаў цэнтрам сельсавета. Статус паселішча панізілі да вёскі. Станам на 2004 тут было 102 гаспадаркі.
У вёсцы працуюць базавая школа, дашкольная ўстанова, фельчарска-акушэрскі пункт, дом культуры, бібліятэка, пошта.
Планаванне складаецца з простай, бессістэмна забудаванай вуліцы, арыентаванай з паўднёвага захаду на паўночны ўсход. Жылыя дамы драўляныя, сядзібнага тыпу.