wd wp Пошук: ⬜

Мікалай Макаравіч Пятрэнка

У Вікіпедыі ёсць артыкулы пра іншых асоб з прозвішчам Пятрэнка.

Мікала́й Мака́равіч Пятрэ́нка (нар. 19 снежня 1919, Барбароў Мазырскага раёна Гомельскай вобласці — 3 студзеня 1997) — беларускі дзеяч самадзейнага мастацтва, кампазітар, педагог. Заслужаны настаўнік БССР (1966). Ганаровы грамадзянін Полацка (1995).

Біяграфія

Скончыў Мінскі педагагічны інстытут (1940).

Удзельнік Вялікай Айчыннай вайны. У мірны час працаваў на розных кіруючых пасадах на Гомельшчыне і Віцебшчыне. З 1960 года выкладчык, намеснік дырэктара Полацкага педвучылішча.

Узнагароджаны ордэнам Айчыннай вайны І ступені, медалямі.

Творчасць

Аўтар некалькіх падручнікаў. Самадзейны кампазітар, аўтар больш за 300 песень, з 1980 года кіраваў клубам самадзейных кампазітараў у Полацку. Лаўрэат конкурсаў самадзейных кампазітараў.

Асноўныя творы

Песням Пятрэнкі характэрныя меладычнасць, выкарыстанне інтанацый беларускага песеннага фальклору. Найбольш папулярныя:

«Ручнiкi»,
«Ой, старонка мая ты лясная»,
«Вочы зямлi маёй»,
«Слаўнае свята»,
«Невядомы партызан»,
«Пад калiнай»,
«Прыязджаў марак у госцi»,
«Расii першы камунiст»,
«Там, дзе хадзiў калiсьцi Ленiн»,
«Прыязджайце да нас на Полаччыну».

Літаратура

Гальпяровіч Н. Я. Пятрэнка Мікалай Макаравіч // Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 2001. — Т. 13: Праміле — Рэлаксін. — С. 174. — 576 с. — 10 000 экз. — ISBN 985-11-0216-4 (т. 13), ISBN 985-11-0035-8.
Пятрэнка Мiкалай Макаравiч // Энцыклапедыя лiтаратуры i мастацтва Беларусi: У 5-i т. Т. 4. / Рэдкал.: I. П. Шамякiн (гал. рэд.) i iнш. — Мн.: БелСЭ, 1986. — С. 436.

Спасылкі

Пятрэнка Мікалай Макаравіч (1919-1997). Сайт Полацкага краязнаўчага музея.