Аўстры́йская імпе́рыя (ням.: Kaisertum Österreich) — дзяржава ў Цэнтральнай Еўропе са сталіцай у Вене, аб’ядноўваўшая ўсе ўладанні Габсбургаў, якія дагэтуль не мелі агульнай назвы. Была створана ў 1804 г. Францам II у адказ на абвяшчэнне Напалеона I імператарам. У 1806 пасля націску з боку Напалеона, была скасавана Свяшчэнная Рымская імперыя.
У 1867 годзе пасля няўдалай спробы правядзення рэформаў і з’яўлення так званага кампрамісу, Аўстрыйская імперыя была пераўтворана ў дуалістычную манархію — Аўстра-Венгрыю, якая дзялілася на землі аўстрыйскай і венгерскай кароны, але пад уладай аднаго манарха.