У гэтага паняцця ёсць і іншыя значэнні, гл. Багемія (значэнні). Каралеўства Багемія, Каралеўства Чэхія (чэшск.: České království, ням.: Königreich Böhmen, лац.: Regnum Bohemiae) — каралеўства ў Цэнтральнай Еўропе, якое размяшчалася на тэрыторыі сучаснай Чэхіі. Фармальна было створана ў 1212 годзе імператарам Свяшчэннай Рымскай імперыі Фрыдрыхам II пасля падпісання сіцылійскай залатой булы. Багемія ўваходзіла ў склад Свяшчэннай Рымскай імперыі аж да яе распада ў 1806 годзе, затым стала часткай Аўстрыйскай імперыі. Была ліквідаваная ў 1918 годзе, разам з падзеннем Аўстра-Венгрыі.