wd wp Пошук: ⬜

Анатоль Валянцінавіч Рогач

У Вікіпедыі ёсць артыкулы пра іншых асоб з прозвішчам Рогач. Анатоль Валянцінавіч Рогач (1 чэрвеня 1947, вёска Каралеўцы, Вілейскі раён — 3 сакавіка 2010, Вілейка) — беларускі краязнавец, даследчык гісторыі Беларускага Павілля.

Біяграфія

Рогач Анатоль Валянцінавіч. Краязнавец, інжынер-энергетык, дэпутат Вілейскага раённага Савета, майстар спорту па шашках (па перапісцы)[1].

Скончыў Іжанскую сярэднюю школу. Служыў у Савецкай Арміі. Ад 1967 года працаваў у Вілейскім раёне электрычных сетак (РЭС), дзе прайшоў шлях да кіраўніка прадпрыемства[2]. Узначальваў РЭС з 1988 года. У 1972 годзе скончыў завочна Беларускі інстытут механізацыі сельскай гаспадаркі.

Анатоль Рогач спалучаў вытворчую і дэпутацкую дзейнасць з краязнаўчай[2]. Ён — адзін з самых аўтарытэтных даследчыкаў жыцця і творчасці нашых землякоў Адама Гурыновіча, Ігната Ходзькі, Эдварда Жалігоўскага [3]. Анатоль Рогач першым на Вілейшчыне і адным з першых на Беларусі звярнуў увагу на біяграфію аўтара першай украінскай канстытуцыі ўраджэнца вёскі Касута ля Вілейкі Піліпа Орліка [4].

Даследаваў жыццё і творчасць ураджэнца Вілейшчыны мастака Нікадзіма Сілівановіча [5]. Аўтар біяграфічнай кнігі «Адам Гурыновіч»[1].

Упершыню ў беларускай даследчыцкай літаратуры Анатоль Рогач склаў радавод Адама Гурыновіча[1], які ўтрымлівае 6 каленаў. У сваёй працы Анатоль Рогач паказвае, што Гурыновіч быў не толькі паэтам, збіраў фальклор, але займаўся гаспадарчымі справамі, падаваў надзеі як інжынер. Рогач даказаў, што Гурыновіч сустракаўся з Францішкам Багушэвічам, якому прысвяціў верш «Дзякуй табе, браце, Бурачок Мацею», знаходзіўся ў ліставанні з даследчыкам фальклору Янам Карловічам.

Даследчыцкую працу бачыў у спалучэнні пошукаў матэрыялаў на месцы з працай у архівах Маладзечна, Мінска, Гродна, Вільні [2].

Актыўна супрацоўнічаў з масавымі перыядычнымі выданнямі. Быў пастаянным аўтарам «Рэгіянальнай газеты». Падрыхтаваны да друку матэрыял па гісторыі энергетыкі Павілля[1].

Анатоль Рогач — майстар спорту па шашках па перапісцы. Пераможца нацыянальных і міжнародных спаборніцтваў[1].

Пахаваны на Вілейскіх гарадскіх могілках паблізу вёскі Снежкава.

Ушанаванне памяці

Вуліца ў горадзе Вілейка [6]
Памятная дошка на будынку Вілейскага РЭС [7][8]
Памятны крыж у вёсцы Заброддзе Вілейскага раёна [9]

Зноскі

1 2 3 4 5 «Рогач Анатоль» Архівавана 18 чэрвеня 2015. («Рэгіянальная газета»)
1 2 3 «Анатоль Рогач. Энергетык, улюбёны ў Вілейшчыну» Архівавана 24 красавіка 2016. («Рэгіянальная газета»)
↑ «Адкрыты памятны знак у гонар Шаўчэнкі і Жалігоўскага» Архівавана 14 кастрычніка 2016. («Рэгіянальная газета»)
↑ «Чалавек, якога хапае на ўсё» Архівавана 24 красавіка 2016. («Рэгіянальная газета»)
↑ «Адкрыццё помніка Нікадзіму Сілівановічу» Архівавана 24 красавіка 2016. («Рэгіянальная газета»)
↑ Вырашылі, у гонар каго назавуць чатыры вуліцы ў Вілейцы Архівавана 5 красавіка 2016. // «Рэгіянальная газета»
↑ «Заўтра ў Вілейцы з’явіцца памятная дошка Анатолю Рогачу» Архівавана 5 сакавіка 2016. («Рэгіянальная газета»)
↑ Краязнаўцу Анатоля Рогача ўшанавалі памятнай дошкай у Вілейцы(недаступная спасылка) // “Рэгіянальная газета
↑ У памяць вялейскіх краязнаўцаў Віталя Кастэнкі і Анатоля Рогача ўсталяваны крыж Архівавана 30 чэрвеня 2016. // Вялейка-інфо

Літаратура

Бібліяграфія

Тайны муроў Вілейскай турмы Архівавана 11 лістапада 2013. // «Рэгіянальная газета»
Адам Гурыновіч. Невядомыя старонкі з жыцця, фальклорна-этнаграфічны збор // Вілейка, 2007, 98 стар.
Новае імя ў летапісе Вілейшчыны (Васіль Цяпінскі) // Кніга «Памяць, Вілейскі раён». Мінск: Белта,. 2003
Гетман Украіны з вілейскай Касуты (Піліп Орлік) // Кніга «Памяць, Вілейскі раён». Мінск: Белта,. 2003
Вілейшчына вачыма напалеонаўскага мастака // Кніга «Памяць, Вілейскі раён». Мінск: Белта,. 2003
Паўстанне 1830—1831 г.г. // Кніга «Памяць, Вілейскі раён». Мінск: Белта,. 2003
Агінскія на Вілейшчыне // Кніга «Памяць, Вілейскі раён». Мінск: Белта,. 2003
Эдвард Жалігоўскі // Кніга «Памяць, Вілейскі раён». Мінск: Белта,. 2003
Казімір Контрым // Кніга «Памяць, Вілейскі раён». Мінск: Белта,. 2003
Ігнацій Ходзька // Кніга «Памяць, Вілейскі раён». Мінск: Белта,. 2003
Адмена прыгоннага права // Кніга «Памяць, Вілейскі раён». Мінск: Белта,. 2003
Падзеі 1863 г. // Кніга «Памяць, Вілейскі раён». Мінск: Белта,. 2003
Станаўленне буржуазнага грамадства // Кніга «Памяць, Вілейскі раён». Мінск: Белта,. 2003
Адам Гурыновіч // Кніга «Памяць, Вілейскі раён». Мінск: Белта,. 2003
У гады Першай сусветнай вайны // Кніга «Памяць, Вілейскі раён». Мінск: Белта,. 2003
На крутым павароце гісторыі (1941 г.) // Кніга «Памяць, Вілейскі раён». Мінск: Белта,. 2003
Савецка-польская вайна 1920 г. // Кніга «Памяць, Вілейскі раён». Мінск: Белта,. 2003
Вілейшчына ў складзе Польшчы // Кніга «Памяць, Вілейскі раён». Мінск: Белта,. 2003
Газеты Вілейшчыны // Кніга «Памяць, Вілейскі раён». Мінск: Белта,. 2003
Змітрок Бядуля // Кніга «Памяць, Вілейскі раён». Мінск: Белта,. 2003
Флягонт Ігнатавіч Валынец // Кніга «Памяць, Вілейскі раён». Мінск: Белта,. 2003
Язэп Емяльянавіч Гаўрылік // Кніга «Памяць, Вілейскі раён». Мінск: Белта,. 2003
Леанард Іосіфавіч Заяц // Кніга «Памяць, Вілейскі раён». Мінск: Белта,. 2003
Аляксандр Мікітавіч Уласаў // Кніга «Памяць, Вілейскі раён». Мінск: Белта,. 2003
Каля турэмнай сцяны // Кніга «Памяць, Вілейскі раён». Мінск: Белта,. 2003
Нагадала газетная старонка // Кніга «Памяць, Вілейскі раён». Мінск: Белта,. 2003
Газеты Вілейшчыны (падпольны друк) // Кніга «Памяць, Вілейскі раён». Мінск: Белта,. 2003
Газеты Вілейшчыны (пасляваенны час) // Кніга «Памяць, Вілейскі раён». Мінск: Белта,. 2003
Электрычны падмурак Вілейшчыны // Кніга «Памяць, Вілейскі раён». Мінск: Белта,. 2003
Вілейшчына спартыўная // Кніга «Памяць, Вілейскі раён». Мінск: Белта,. 2003
Нарадзіліся на Вілейшчыне // Кніга «Памяць, Вілейскі раён». Мінск: Белта,. 2003
Яны кіравалі горадам і раёнам // Кніга «Памяць, Вілейскі раён». Мінск: Белта,. 2003
Вернутае імя //«Шлях Перамогі», 7 мая 2005 г., № 70-71 (7839-7840)
С.В.Барыс, А.В.Рогач. Нарачанка і яе берагі // . — Мн.: Выдавец Зміцер Колас, 2013. — 712 с. — 99 экз. — ISBN 978-985-6992-37-0.

Спасылкі

Рогач Анатоль Архівавана 18 чэрвеня 2015.// «Рэгіянальная газета»
Анатоль Рогач. Энергетык, улюбёны ў Вілейшчыну Архівавана 24 красавіка 2016.// «Рэгіянальная газета»
Чалавек, якога хапае на ўсё Архівавана 24 красавіка 2016.// «Рэгіянальная газета»
Памяці Анатоля Рогача