У Вікіпедыі ёсць артыкулы пра іншых асоб з прозвішчам Карловіч.
Ян Карловіч (28 мая 1836, в. Субартовічы, Троцкі павет, Віленская губерня, Расійская імперыя — 14 чэрвеня 1903, Варшава, Царства Польскае) — лінгвіст, этнограф, фалькларыст, музыказнаўца. Уладальнік маёнтка ў Вішневе.
Вучыўся ў Маскоўскім універсітэце, займаўся гісторыяй і музыкай у Парыжы, Гайдэльбергу, Бруселі. Аўтар этнаграфічных даследаванняў, сабраў і апублікаваў некалькі сотняў беларускіх і літоўскіх паданняў, казак, песень. Супрацоўнічаў з Міхалам Федароўскім, аўтарам шматтомнай працы «Люд беларускі». Сябраваў з Аляксандрам Ельскім і Францішкам Багушэвічам.