wd wp Пошук: ⬜

Трысцянка

Трысця́нка[3], святлуха[3] (Scolochloa) — манатыпны род кветкавых раслін сямейства Метлюжковыя (Poaceae). Адзіны прадстаўнік роду — Трысцянка аўсяніцападобная (Scolochloa festucacea).

Батанічнае апісанне

Шматгадовая травяністая светла-зялёная расліна вышынёй 70—200[3] см, з паўзучым карэнішчам. Сцябло прамастойнае, злёгку шурпатае, са шматлікімі парасткамі ў ніжняй частцы. Лісце простае, суцэльнае, лінейна-ланцэтнае, завостранае, з гладкім шурпатым краем, сядзячае. Суквецце — рыхлая мяцёлка даўжынёй да 30[3] см. Кветкавыя каласкі складаюцца з 3—6[3] кветак, апушаныя. Калякветнік непрыкметны. Плод — зярняўка жоўтага колеру.

Распаўсюджанне і экалогія

Расліна распаўсюджана на тэрыторыі Еўразіі і Паўночнай Амерыкі [3]. Расце па берагах вадаёмаў, на балотах, забалочаных лугах. Іншы раз утварае зараснікі. Цвіце ў чэрвені—ліпені.

Ахоўваецца на тэрыторыі Літвы, Латвіі, шэрагу рэгіёнаў Расіі і Украіны [4].

Зноскі

↑ Ужываецца таксама назва Пакрытанасенныя.
↑ Пра ўмоўнасць аднясення апісванай у гэтым артыкуле групы раслін да класа аднадольных гл. раздзел «Сістэмы APG» артыкула «Аднадольныя».
1 2 3 4 5 6 Энцыклапедыя прыроды Беларусі. У 5-і т. Т. 5. Стаўраструм — Яшчур / Рэдкал. І. П. Шамякін (гал. рэд.) і інш. — Мн.: БелСЭ ім. Петруся Броўкі, 1986. — 583 с., іл. — 10 000 экз.
↑ Тростянка овсяницевидная: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)

Літаратура

Парфёнаў П. В. Трысцянка, святлуха // Энцыклапедыя прыроды Беларусі. У 5-і т. Т. 5. Стаўраструм — Яшчур / Рэдкал. І. П. Шамякін (гал. рэд.) і інш. — Мн.: БелСЭ ім. Петруся Броўкі, 1986. — 583 с., іл. — 10 000 экз. — С. 107—108.
Губанов И. А., Киселёва К. В., Новиков В. С., Тихомиров В. Н. 205. Scolochloa festucacea (Willd.) Link — Тростянка овсяницевидная // Иллюстрированный определитель растений Средней России. В 3-х томах. — М.: Т-во научных изданий КМК, Ин-т технологических исследований, 2002. — Т. 1. Папоротники, хвощи, плауны, голосеменные, покрытосеменные (однодольные). — С. 299. — ISBN 8-87317-091-6.
Комаров В. Л. Род 175. Тростянка — Scolochloa Link // Флора СССР. В 30-ти томах / Главный редактор акад. В. Л. Комаров; Редакторы тома Р. Ю. Рожевиц и Б. К. Шишкин. — М.—Л.: Издательство Академии Наук СССР, 1934. — Т. II. — С. 448. — 778 + XXXIII с. — 5 175 экз.

Спасылкі

Тростянка — род Scolochloa: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)
Тростянка овсяницевидная: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)
Scolochloa // ИАС «ООПТ России»(руск.)
Genus: Scolochloa Link(англ.) // Germplasm Resources Information Network (GRIN-Taxonomy)