Зярня́ўка — сухі аднанасенны плод з тонкім каляплоднікам, шчыльна прыціснутым да семя і зрослым з ім каля асновы.
Плод зярняўка характэрны злакам. У жыта і пшаніцы яны ападаюць голыя, у аўса, проса, ячменю і дзікарослых відаў — разам лускамі. Зярняўкі таксама часам маюць прыдаткі ў выглядзе валасяных губак, асцюкоў і інш.
Зярняўкі культурных збожжавых культур называюць зернем.