wd wp Пошук: ⬜

Поль-Жорж Нтэп

.mw-parser-output .ts-Спартыўная_кар’ера-table{width:100%!important;display:table;margin:0 0 -2px;border-collapse:separate;text-align:left}.mw-parser-output .ts-Спартыўная_кар’ера-table th{background-color:#dcebff;text-align:center}.mw-parser-output .ts-Спартыўная_кар’ера-table td:nth-child(1){width:27%}.mw-parser-output .ts-Спартыўная_кар’ера-table td:nth-child(3){width:20%}.mw-parser-output .ts-Спартыўная_кар’ера-table.stripped tr:nth-child(odd){background-color:#f8f9fa}.mw-parser-output .ts-Спартыўная_кар’ера-table.stripped tr:nth-child(even){background-color:#eff1f3}.mw-parser-output .ts-Спартыўная_кар’ера-table.stripped tr.odd{background-color:#f8f9fa}.mw-parser-output .ts-Спартыўная_кар’ера-table.stripped tr.even{background-color:#eff1f3}body.skin-minerva .mw-parser-output .ts-Спартыўная_кар’ера-table.stripped tr{background-color:transparent} Поль-Жорж Нтэп дэ Мадзіба́ (фр.: Paul-Georges Ntep; нар. 29 ліпеня 1992, Дуала, Камерун) — камерунскі і французскі футбаліст, вінгер партугальскага клуба «Баавішта» і нацыянальнай зборнай Камеруна.

Клубная кар’ера

«Рыс-Аранжыс»

Нтэп нарадзіўся ў Дуале, самым вялікім горадзе Камеруна. Ён пераехаў у Францыю ва ўзросце васьмі гадоў, каб жыць са сваёй цёткай, якая пражывала ў камуне Грыні, на поўдні Парыжа. Ён пачаў сваю кар’еру ў клубе «Рыс Аранжыс» і правёў там два гады. У часы яго кар’еры ў «Рыс-Аранжыс» ён быў некалькі разоў на праглядах у розных клубах, сярод якіх быў і «Асер», аднак, з ім не заключылі кантракт.

«Віры-Шаціён»

У 2005 годзе Нтэп далучыўся да каманды «Віры-Шаціён» і, пасля года гульні з іншым аматарскім клубам «Лінас Мантлеры», падпісаў кантракт з французскім клубам «Брэціньі» — клубам, у якім пачыналі сваю прафесійную кар’еру Патрыс Эўра і Джымі Брыян.

«Асер»

Гульнёй у клубе «Брэціньі» Нтэп уразіў трэнераў клуба і чыноўнікаў, і ў 2009 годзе яму прапанавалі падпісаць кантракт з клубам «Асер», з якім «Брэціньі» супрацоўнічаў. Пасля паспяховага прагляду, кантракт быў заключаны.

Нтэп пачаў сезон 2009/10 у «Асеры». У сярэдзіне сезона ён далучыўся да другой каманды клуба ў аматарскім чэмпіянаце. Нтэп з’явіўся ў 14 матчах каманды і забіў два галы. У сезоне 2010/11 ён пачаў трэніроўкі з асноўнай камандай. Нтэп таксама быў заяўлены за «Асер» у Лізе чэмпіёнаў УЕФА. 16 кастрычніка 2010 года ён з’явіўся на лаўцы запасных у чэмпіянаце Францыі, але так і не з’явіўся на полі, той матч «Асер» прайграў 1:0 камандзе «Бардо». Праз тыдзень Нтэп дэбютаваў у матчы Кубка лігі супраць «Бастыі» — з’явіўся на поле на 31-й хвіліне, замяніўшы Дэніса Альеча. «Асер» выйграў матч з лікам 4:0. 21-гадовы Нтэп выклікаў цікавасць галоўных каманд у Еўропе, у тым ліку «Арсенала», «Ромы», «Тотэнхэма», «Манчэстэр Юнайтэд», «Манчэстэр Сіці» і «Андэрлехта».

«Рэн»

30 студзеня 2014 года перайшоў у «Рэн» за 5 мільёнаў еўра. Першы гол за «Рэн» забіў 23 лютага 2014 года ў матчы супраць «Нанта». У сезоне 2014/15 стаў найлепшым бамбардзірам клуба, забіў за 35 матчаў 9 галоў.

«Вольфсбург»

9 студзеня 2017 года было абвешчана аб пераходзе Нтэпа ў нямецкі «Вольфсбург», з якім вінгер падпісаў кантракт да лета 2021 года[4]. У студзені 2018 года на правах арэнды далучыўся да «Сент-Эцьена». Па заканчэнні сезона 2017/18 вярнуўся ў «Вольфсбург». У жніўні 2019 года на правах арэнды далычыўся да «Кайсерыспора». У лютым 2020 года пакінуў «Вольфсбург».

Апошнія гады

У маі 2020 года ў якасці свабоднага агента падпісаў кантракт з «Генгамам», гуляў там да канца сезона 2020/21. У верасні 2021 года папоўніў склад партугальскай «Баавішты».

Міжнародная кар’ера

Хоць Нтэп нарадзіўся ў Камеруне, ён мае грамадзянства Францыі, што дазволіла гуляць за юнацкую зборную Францыі. Праз тры гады ён увайшоў у склад зборнай моладзевай зборнай Францыі, каб прыняць удзел у турніры ў Тулоне. 24 мая 2015 года галоўны трэнер нацыянальнай зборнай Францыі Дзідзье Дэшам выклікаў Нтэпа на таварыскія гульні супраць зборных Бельгіі і Албаніі.

7 чэрвеня 2015 года выйшаў на поле на 80-й хвіліне, замяніўшы Аліўе Жыру. Роўна праз 9 хвілін прысутнасці на поле, аддаў галявы пас на Набіля Фекіра, але гэта не дазволіла перамагчы зборную Бельгіі, матч завяршыўся з лікам 3:4.

У жніўні 2018 года Нтэп пагадзіўся выступаць за нацыянальную зборную Камеруна.

Статыстыка

Клубная статыстыка

Станам на 25 студзеня 2018 года.

Выступленне			Ліга		Кубкі^[5]		Еўракубкі		Астатнія^[6]		Разам
Клуб	Ліга	Сезон	Гульні	Галы	Гульні	Галы	Гульні	Галы	Гульні	Галы	Гульні	Галы
Асер	Ліга 1	2010/11	0	0	1	0	0	0	0	0	1	0
	Ліга 1	2011/12	0	0	0	0	—		0	0	0	0
	Ліга 2	2012/13	34	8	5	1	—		0	0	39	9
	Ліга 2	2013/14	17	7	6	5	—		0	0	23	12
	Усяго		51	15	12	6	0	0	0	0	63	21
Рэн	Ліга 1	2013/14	10	5	3	0	—		0	0	13	5
		2014/15	35	9	3	0	—		0	0	38	9
		2015/16	14	2	1	0	—		0	0	15	2
		2016/17	15	2	0	0	—		0	0	15	2
	Усяго		74	18	7	0	0	0	0	0	81	18
Вольфсбург	Бундэсліга	2016/17	10	0	2	0	—		1	0	13	0
	Бундэсліга	2017/18	5	0	2	0	—		—		7	0
	Усяго		15	0	4	0	0	0	1	0	20	0
Усяго за кар'еру			140	33	24	6	0	0	1	0	165	39

Міжнародная статыстыка

Станам на 14 чэрвеня 2015 года.

Зборная	Сезон	Таварыскія			Турніры			Усяго
Зборная	Сезон	Гульні	Галы	Пасы	Гульні	Галы	Пасы	Гульні	Галы	Пасы
Францыя	2015	2	0	1	0	0	0	2	0	1
Усяго за кар’еру		2	0	1	0	0	0	2	0	1

Матчы і галы за зборную

Станам на 14 чэрвеня 2015 года.

Матчы і галы Нтэпа за зборную Францыі

№	Дата	Апанент	Лік	Галы Нтэпа	Спаборніцтва
1	7 чэрвеня 2015	Бельгія	3:4	—	Таварыскі матч
2	13 чэрвеня 2015	Албанія	0:1	—	Таварыскі матч

Разам: 2 матчы / 0 галоў; 0 перамог, 0 нічыіх, 2 паражэння.

Зноскі

↑ Paul-Georges Ntep // Transfermarkt — 2000. Праверана 9 кастрычніка 2017.
↑ Paul-Georges Ntep // FBref.com
↑ Paul-Georges Ntep de Madiba // As — Madrid: Grupo PRISA, 1967.
↑ «Вольфсбург» приобрел 24-летнего хавбека «Ренна» Нтепа. by.tribuna.com.
↑ У графу «Кубкі» ўваходзяць гульні і галы ў нацыянальных кубках, кубках лігі і суперкубках.
↑ Астатнія афіцыйныя матчы