Музычны ўніверсітэт імя Фрыдэрыка Шапена (польск.: Uniwersytet Muzyczny Fryderyka Chopina) — вышэйшая музычная навучальная ўстанова ў Варшаве, найстарэйшая ў Польшчы і адна з найстарэйшых у свеце.
Універсітэт быў заснаваны ў 1810 годзе акцёрам і рэжысёрам Войцехам Багуслаўскім як школа для оперных спевакоў і тэатральных акцёраў. У 1820 годзе Юзаф Эльснер годзе пераўтварыў школу ў інстытут музыкі і дэкламацыі, які ўвайшоў у склад нядаўна створанага Варшаўскага ўніверсітэта.
Пасля паўстання 1830 года ўказам імператара Мікалая I інстытут быў часова зачынены. У 1861 годзе ён адкрыўся зноў пад назвай «Варшаўскі інстытут музыкі».
У 1918 годзе, пасля здабыцця Польшчай незалежнасці, інстытут атрымаў дзяржаўны статус і стаў называцца Варшаўскай кансерваторыяй.
У часы Другой сусветнай вайны стары будынак кансерваторыі быў цалкам знішчаны. Пасля вайны, у 1946 годзе разам з новым будынкам кансерваторыя атрымала новую назву — Вышэйшая дзяржаўная школа музыкі. У 1979 годзе ёй было прысвоена імя Фрыдэрыка Шапена. У 2008 годзе навучальная ўстанова атрымала сваю сучасную назву — музычны ўніверсітэт імя Фрыдэрыка Шапена.
Універсітэт мае кампус у Варшаве, а таксама філіял у Беластоку - інструментальна-педагагічны факультэт.