wd wp Пошук: ⬜

Макінак

.mw-parser-output .t-geoinfobox td,.mw-parser-output .t-geoinfobox th{min-width:120px}.mw-parser-output .t-geoinfobox td:only-child,.mw-parser-output .t-geoinfobox th:only-child{text-align:center}.mw-parser-output .t-geoinfobox-name{font-size:110%;padding:2px}.mw-parser-output .t-geoinfobox-nickname{font-style:italic}.mw-parser-output .t-geoinfobox-cave th:only-child,.mw-parser-output .t-geoinfobox-mount th:only-child{background:#e7dcc3}.mw-parser-output .t-geoinfobox-surface th:only-child{background:#ffe4c4}.mw-parser-output .t-geoinfobox-blue th:only-child,.mw-parser-output .t-geoinfobox-water th:only-child{background:#c0daff}.mw-parser-output .t-geoinfobox-underwater th:only-child{background:#b0e0e6}.mw-parser-output .t-geoinfobox-green th:only-child{background:#d0f0c0}.mw-parser-output .t-geoinfobox-tomb th:only-child{background:#bbbbbb}.mw-parser-output .t-geoinfobox-yellow th:only-child{background:#fdeaa8}.mw-parser-output .t-geoinfobox-ny th:only-child{background:#cbd5c4;border:1px solid #aaaaaa}.mw-parser-output .t-geoinfobox-ny th:first-child:not(:only-child){background:#cbd5c4;text-align:right;padding:0 0.5em}.mw-parser-output .t-geoinfobox-grey th:only-child{background:#eaecf0}

Макінак (англ.: Mackinac) — востраў на возеры Гурон. Уваходзіць у склад штата Мічыган (ЗША). Плошча — 9,78 км². Насельніцтва (2010) — 492 чал. На востраве арганізаваны нацыянальны парк.

Геаграфія і прырода

Востраў Макінак месціцца на паўночным захадзе возера Гурон у 345 км на поўнач ад Лансінга, сталіцы штата Мічыган. Даўжыня з паўночнага захаду на паўночны ўсход — 4 км. Найбольшая шырыня — 2,84 км.

Востраў пагорысты. Вышэйшы пункт займае 271 м над узроўнем акіяну. Складзены вапнякамі. Характэрны пейзажы, сфарміраваныя ў эпоху аледзянення, і шматлікія сляды выветрывання.

Значная частка вострава пакрыта шырокалістымі і хваёвымі лясамі, каля берага вылучаюцца нізінныя прыазёрныя лугі. Фаўна: шматлікія птушкі, амфібіі, казуркі, некалькі відаў змей, лісы, каёты і інш.[1]

Клімат мяккі прахалодны[2]. Сярэдняя гадавая тэмпература — +5,7 °C. Сярэднегадавая колькасць ападкаў — 779 мм.

Гісторыя

Археолагі вызначылі, што востраў Макінак быў населены чалавекам не пазней за 900 г. н. э. Ён адыгрываў значную ролю ў гісторыі алганкінаў, якія называлі яго за высокія берагі mish-la-mack-in-naw (“вялікая чарапаха”)[3]. Згодна паданням, плямёны аджыбвэ, атава і патаватомі заключылі на востраве пагадненне аб стварэнні канфедэрацыі Рада трох агнёў.

У 1634 г. востраў Макінак быў адкрыты французамі. У 1780 г. на ім была пабудавана брытанская крэпасць Форт-Макінак. Пасля заканчэння Амерыканскай рэвалюцыі ён быў перададзены ЗША. Падчас вайны 1812 - 1814 гг. брытанцы захапілі крэпасць і ўтрымлівалі яе да самага заканчэння ваенных дзеянняў.

У XIX ст. доўгі час выкарыстоўваўся амерыканскімі гандлярамі. Пасля Грамадзянскай вайны паступова ператварыўся ў папулярнае месца адпачынку. У 1875 г. пераўтвораны ў нацыянальны парк [4].

Інфраструктура

На поўдні вострава Макінак месціцца аднайменны горад, які складае аснову графства Макінак. Яго насельніцтва займаецца абслугоўваннем турыстаў, колькасць якіх у летнія месяцы дасягае 15 тысяч чалавек у дзень. Астатняя тэрыторыя занята нацыянальным паркам, падпарадкаваным штату Мічыган. Арганізацыя самастойных стаянак у яго межах забаронена.

З 1898 г. на Макінаке забаронены матарызаваны транспарт, таму турысты і мясцовае насельніцтва перасоўваюцца пешшу, на роварах ці ў конных запрэжках[5]. Востраў звязаны з берагам паромам, узімку — лядовым мастом. На востраве таксама працуе невялікі аэрапорт.

Славутыя мясціны

Востраў Макінак знакаміты сярод наведвальнікаў сваімі пагорыстымі ляснымі краявідамі, гонкамі рачных суднаў і дзесяцідзённым Бэзавым фестывалем, што арганізуецца з 1949 г.

Найбольш вядомыя славутыя мясціны:

Віктарыянская архітэктура прыбярэжнай часткі горада Макінак
Індзейскі інтэрнат, 1829 г. Былая індзейская школа, у наш час — мастацкі музей
Драўляны будынак дзяржаўнага чыноўніка, 1846 г.
Касцёл Святой Ганны, 1874 г.
Форт-Макінак — крэпасць, заснаваная ў XVIII ст.
Форт-Холмс — невялікая брытанская кэпасць, пабудаваная ў 1812 г. каля найвышэйшага пункта на востраве
Лесвіца з Форт-Холмс

Зноскі

Спасылкі