Купяціцкі крыж-энкалпіён
Купяціцкі крыж-энкалпіён, або Купяціцкі абраз Маці Божай — бронзавы крыж-энкалпіён з в. Купяцічы каля Пінска. Крыж шанаваўся як цудатворны абраз Маці Божай[1]. Для яго была зроблена дарагая сярэбраная аправа. Абраз захоўваўся ў спецыяна пабудаванай царкве. У 1636 г. манахі Купяціцкага манастыра перасяліліся ў Кіеў і перанеслі з сабой энкалпіён, які быў змешчаны ў Сафійскім саборы.
Апісанне
Купяціцкі энкалпіён тыпалагічна адпавядае мадэлі, якая з’яўляецца найбольш характэрнай для кіеўскай металапластыкі XI-пач. XII ст.[2] Яе выявы рэльефныя. На адной створцы змешчана распяцце з пагруднымі выявамі святых, на другой — Маці Божай з дзіцем, а ў медальёнах — бюсты мучанікаў.
Зноскі
- ↑ Купятицкая икона Богородицы в связи с древнерусскими энколпионами
- ↑ Седова. Ювелирные изделия древнего Новгорода
Літаратура
- Гісторыя беларускага мастацтва: У 6 т. Т. 1: Ад старажытных часоў да другой паловы XVI cт. ; [рэд. кал.: С. В. Марцэлеў (гал.рэд.) [і інш.] ; рэд. тома С. В. Марцэлеў, Л. М. Дробаў ; АН БССР, Ін-т мастацтвазнаўства, этнаграфіі і фальклору. — Мінск : Навука і тэхніка, 1987. — 303 с. : iл.
Катэгорыя·Гісторыя Пінска
Катэгорыя·З’явіліся ў XII стагоддзі
Катэгорыя·Крыжы
Катэгорыя·Абразы Беларусі
Катэгорыя·Дэкаратыўна-прыкладное мастацтва Беларусі
Катэгорыя·Купяцічы