У гэтага паняцця ёсць і іншыя значэнні, гл. Срэбра.
Серабро́[2], таксама Срэбра[2] (лац.: Argentum) Ag — хімічны элемент I групы перыядычнай сістэмы; атамны нумар 47. Бліскучы белы метал.
Па распаўсюджанасці ў зямной кары займае 67-е месца сярод элементаў. Самароднае серабро і яго мінералы — рэдкія, асноўная маса серабра атрымліваецца пры дабыванні іншых металаў, галоўным чынам свінцу і медзі. Буйныя радовішчы сярэбраных руд — у Мексіцы і ЗША.
Спецыяльнае хімічнае абсталяванне і апаратура для харчовай прамысловасці. Пакрыцці дэталей адказнага прызначэння ў электроніцы і радыётэхніцы. Фотаматэрыялы. Ювелірныя вырабы.