wd wp Пошук: ⬜

Дуднік лясны

Ду́днік лясны, заячы кроп, ствольнік[3] (Angelica sylvestris) — від кветкавых раслін з роду Дуднік (Angelica) сямейства Парасонавыя (Umbelliferae). Тыпавы від роду.

Назвы

Дуднік лясны, дзягель[4], відомец, дзягіль, дзегіл, заячы кроп[5], дзягель лесавы[6][7][8][9], блёкат, кудравы дзягіль, ствольнік[6].

Батанічнае апісанне

Двухгадовая[3] травяністая расліна вышынёй да 2 м. Сцябло тоўстае, прамастойнае, полае ўнутры, галінастае ў верхняй частцы. Лісце двойчы і тройчы перыстарассечанае. Ніжняе лісце з мехападобнай похвай, на чаранках. Кветкі белавата-ружовага колеру, у парасонавых суквеццях. Плод — віслаплоднік.

Распаўсюджанне і экалогія

Віда распаўсюджаны ва ўмераных абласцях Азіі (Расія, Сірыя, Турцыя, Кітай і інш.) і Еўропы. Мезафіт, гіграфіт і эўтроф [10]. Ценевынослівая расліна. Расце на сырых і забалочаных лугах, берагах вадаёмаў, у лясах і на ўзлесках, асаковых і мохавых балотах, у прыбярэжных і пойменных хмызняках, на пустках, каля дарог. Цвіце чэрвені—ліпені.

Выкарыстанне

Лекавая і меданосная расліна. Выкарыстоўваецца ў ежу ў якасці прыправы.

Зноскі

↑ Ужываецца таксама назва Пакрытанасенныя.
↑ Пра ўмоўнасць аднясення апісанай у гэтым артыкуле групы раслін да класа двухдольных гл. артыкул «Двухдольныя».
1 2 Энцыклапедыя прыроды Беларусі. У 5-і т. Т. 2. Гатня — Катынь / Рэдкал. І. П. Шамякін (гал. рэд.) і інш. — Мн.: БелСЭ ім. Петруся Броўкі, 1983. — 522 с. — 10 000 экз.
↑ Ганчарык М. М. Беларускія назвы раслін. Праца навуковага таварыства па вывучэнню Беларусі, т. II і IV. Горы-Горки, 1927
↑ З. Верас, Беларуска-польска-расейска-лацінскі ботанічны слоўнік, Выданне газеты «Голас беларуса», Друкарня С. Бэкэра. Вiльня, Субач 2, 1924
1 2 Анненков Н.(руск.) бел. Ботанический словарь, Спб, 1878
↑ Васількоў І. Г. Матэрыялы да флоры Горацкага раёна. Праца навуковага таварыства па вывучэнню Беларусі, т. III. Горы-Горкі, 1927
↑ Носович И. И. Словарь белорусского наречия. Спб, 1870
↑ Чоловский К. Опыт описания Могилевской губернии. По программе и под редакцией А. С. Дембовецкого, кн. I. Могілев.
↑ Дудник лесной: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)

Літаратура

Пашына Г. В., Сімановіч Л. Г. Дуднік // Энцыклапедыя прыроды Беларусі. У 5-і т. Т. 2. Гатня — Катынь / Рэдкал. І. П. Шамякін (гал. рэд.) і інш. — Мн.: БелСЭ ім. Петруся Броўкі, 1983. — 522 с. — 10 000 экз. — С. 264.

Спасылкі

Дудник лесной: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)